ەلىمىزدە ەكىنشى رەت اسكەري ارۋ قىزدار بايقاۋى وتكىزىلەدى - فوتو

استانا. قازاقپارات - اقپان ايىنان باستاپ قارۋلى كۇشتەردە اسكەري قىز-كەلىنشەكتەر اراسىندا «باتىر ارۋلار» بايقاۋى باستالدى.

ەكىنشى مارتە وتەتىن سۇلۋلىق بايقاۋىندا ارميانىڭ ون ەكى ارۋى تاڭدالادى، دەپ حابارلايدى قورعانىس مينيسترلىگىنىڭ باسپا ءسوز قىزمەتى.

العاشقى «باتىر ارۋلار» رەسپۋبليكالىق بايقاۋى ءومىرىن اسكەري قىزمەتكە ارناعان جاندار تۋرالى بولدى. ۇمىتكەرلەر ءوتىنىم بەرگەننەن باستاپ شەشۋشى كەزەڭگە دەيىن اۋىر سىناقتاردان ءوتتى. ولار وق اتتى، گراناتا لاقتىردى، ءارتۇرلى كەدەرگىلەردى ءوتتى، وزەننەن ءجۇزىپ ءوتتى، قۋاتتى جاۋىنگەرلىك ماشينالاردى باسقاردى.

بيىلعى بايقاۋعا ءوتىنىش قابىلداۋ اقپاننان باستالدى. 25- ناۋرىزعا دەيىن بايقاۋعا قاتىسۋعا نيەت بىلدىرگەندەر ساۋالنامانى تولتىرىپ جىبەرەدى، ءوزى جانە ق ر قارۋلى كۇشتەرى قاتارىنداعى اسكەري قىزمەت تۋرالى اڭگىمەلەپ بەرەدى.

ەكىنشى كەزەڭدە قورعانىس مينيسترلىگىنىڭ رەسمي سايتىندا اشىق داۋىس بەرىلەدى. ول 1- ساۋىردە باستالىپ، 15- ماۋسىمدا اياقتالادى. بارىنشا كوپ داۋىس جيناعاندار بايقاۋ جەڭىمپازى اتانادى..

ەستەرىڭىزگە سالا كەتسەك، «باتىر ارۋلار» - ق ر ق ك قىز-كەلىنشەك اسكەري قىزمەتشىلەرى اراسىندا وتكىزىلەتىن رەسپۋبليكالىق بايقاۋ. ءبىرىنشى بايقاۋعا ەلىمىزدىڭ تۇكپىر-تۇكپىرىنەن ءوتىنىم بىلدىرگەن 123 ايەل اسكەري قىزمەتشى قاتىستى. سىناقتان سۇرىنبەي ءوتىپ، وزدەرىنىڭ جاۋىنگەرلىك ازىرلىگىن، توزىمدىلىگى مەن كۇشىن دالەلدەگەن 12 جەڭىمپاز انىقتالدى. بايقاۋ مارەسىندە قىز-كەلىنشەكتەردى كاسىبي ستيليستەردىڭ اجارلانۋ قىزمەتى كورسەتىلەدى جانە مامانداندىرىلعان كۇنتىزبەگە ارنالعان فوتوسەسسيا جۇرگىزىلەدى.