اياعىنان ايرىلعان تالدىقورعاندىق قىز قورعانىس مينيسترلىگىن سوتتا ۇتىپ شىقتى

استانا. قازاقپارات - ق ر قورعانىس مينيسترلىگى بەتوندى قورشاۋدىڭ قۇلاۋىنان زارداپ شەككەن تالدىقورعاندىق قىزعا اي سايىن 10 ا ە ك كولەمىندە وتەماقى تولەپ تۇراتىن بولدى، دەپ جازادى Today.kz ق ر اسكەري سوتىنىڭ باسپا ءسوز قىزمەتىنە سىلتەمە جاساي وتىرىپ.

سونىمەن بىرگە مورالدىق زالال ءۇشىن زارداپ شەككەن قىزعا 10 ميلليون تەڭگە تولەنەدى.

تالدىقورعان گارنيزونىنداعى اسكەري سوتىنا ارىز جازعان وقۋشى قىز مادينانىڭ اناسى بولاتىن.

زامزاگۇل قۇرمانعاليەۆانىڭ ايتۋىنشا، 2014-جىلدىڭ 18- قاراشاسىندا 15 جاسار مادينا مارات قىزىنىڭ ۇستىنە تالدىقورعانداعى اسكەري گوسپيتالدىڭ قورشاۋى قۇلاعان. بەتون قىزدىڭ ەكى اياعىن دا باسىپ قالعان، كەيىن ءبىر اياقتى كەستىرۋگە تۋرا كەلگەن.

سوت قۇرىلىستىق ساراپتاما شەشىمى پليتانىڭ قۇلاۋنا تەمىر بەتوندى قورشاۋدىڭ ۇزاق پايدالانۋدان كونەرۋى جانە اۋا-رايىنىڭ جاعدايى سەبەپ بولعانىن كورسەتكەن. مەكەمەنىڭ قورعانىس مينيسترلىگىنىڭ قاراۋىندا ەكەنى بەلگىلى بولدى.