وردا توبىنىڭ ءانشىسى ورازبەكوۆ داستاننىڭ ەرەكشە قىرلارى - فوتو

استانا. قازاقپارات - بۇگىن - ەلىمىزدەگى تانىمال جوبالارعا اتسالىسىپ، ءتۇرلى قىرىمەن تانىلىپ جۇرگەن داستان ورازبەكوۆتىڭ تۋعان كۇنى.

بۇل تۋرالى Stan.kz حابارلايدى.

سۇيىكتى جار، قامقور اكە بولعان داستان جاڭاتاس قالاسىنىڭ تۋماسى. كاسىبي ءبىلىمى بولماسا دا، ءوز ءىسىنىڭ ماماندارىنان ءدارىس الىپ، بۇگىنگى تاڭدا «وردا» توبىنىڭ بەدەلدى مۇشەسى اتانعان. «ماحابباتىم جۇرەگىمدە»، «جان جۇرەگىم - استانا»، «ايجان»، «زاپرەشەننىە تانسى»، «ۆۋزەرى» سىندى تەلەحيكايالار مەن فيلمدەردە باستى رولدەردى سومداعان.

 

اكەسى ءدارىباي مەن اناسى مەرەكە ونەرگە جاقىن جاندار. وتباسىندا ءتورت اعايىندى. اعاسى رۇستەم دە ءبىر كەزدەرى «وردا» توبىندا ءان ايتقان. رۇستەمنەن بولەك وزىنەن جاسى كىشى مەرۋەرت، گۇلشات ەسىمدى قارىنداستارى بار. جارى جاناتپەن دوستارى ارقىلى تانىسقان. ءبىر جىل قاشىقتىقتاعى دوستىقتان كەيىن كوڭىل قوسىپ، ارتىنشا جاناتقا تۇرمىسقا شىعۋ تۋرالى ۇسىنىس جاسايدى. قازىر الديار ەسىمدى ۇلدارى بار. ءوزىنىڭ ايتۋىنشا، ۇسىنىستى جاناتتىڭ تەرەزەسىنىڭ الدىندا تاڭعى ساعات 5 تە سەرەنادا ايتىپ جاساعان. ءبىراق، جانات ولەڭنىڭ داۋسىنا ويانباعاندىقتان، تەلەفون شالىپ ۇسىنىس بىلدىرگەن.

 

ءان ايتىپ، ءبي بيلەۋ سۇيىكتى ءىسى بولسا دا، بوس ۋاقىتىن بودي- بيلدينگ پەن كۇرەسكە، بوكسقا ارنايدى. ءبىر كەزدەرى «چەمپيون» اتىمەن تۇساۋى كەسىلگەن جاڭا سپورتتىق- ساۋىقتىرۋ دۋمانىنا قاتىسىپ، جەڭىمپاز اتانعان. تىڭدارماندارىن انمەن عانا قۋانىتىپ قويماي، سوڭعى كەزدەرى ءوزىن پروديۋسەرلىك قىرىمەن تانىتىپ، «Turkiss» توبىن قۇردى. مۇنىمەن قاتار، زامانعا ساي روليكتەر تۇسىرەتىن «Do Company» اتتى كومپانياسى بار.