تاسماعامبەتوۆ ارنايى ماقساتتاعى جاۋىنگەرلەردىڭ جاساعىنا كەنەتتەن تەكسەرىس جۇرگىزدى
بۇگىن، 3- اقپاندا كەنەتتەن تەكسەرۋ شەڭبەرىندە «وڭتۇستىك» جانە «باتىس» وڭىرلىك قولباسشىلىقتارىنىڭ ارنايى ماقساتتاعى جاساقتارى جاۋىنگەرلىك ازىرلىكتىڭ جوعارى دارەجەسىنە كەلتىرىلدى.
دابىل بەلگىسى بويىنشا اسكەري قىزمەتشىلەر جاۋىنگەرلىك ەسەپتوپقا سايكەس ءىس-شارالاردى ورىندادى. اسكەري-كولىكتىك اۆياتسيا جانە اۆتوموبيلدىك تەحنيكا تارتىلا وتىرىپ، جاۋىنگەرلىك ارنالىم اۋداندارىنا ارنايى ماقساتتاعى بولىمشەلەردى ءبىر جەردەن ەكىنشى جەرگە الماستىرۋ جۇزەگە اسىرىلدى.
«كەنەتتەن تەكسەرۋدىڭ باستى ماقساتى بەلگىلەنگەن مەرزىمدە قويىلعان جاۋىنگەرلىك تاپسىرمالاردى ورىنداۋ كەزىندە ارنايى ماقساتتاعى بولىمشەلەردىڭ ءىس-قيمىلدارىنىڭ ۇيلەسىمىن باعالاۋ بولىپ تابىلادى. بۇگىنگى تاڭدا جاۋىنگەرلىك ازىرلىكتى توسىننان تەكسەرۋ قارۋلى كۇشتەردىڭ شىنايى جاۋىنگەرلىك ازىرلىگىن ايقىنداۋدىڭ پارمەندى ءارى باتىمدى ءتاسىلى، سونداي-اق اسكەرلەردەگى ىستەردىڭ شىنايى ءمان-جايىن زەردەلەۋدىڭ ماڭىزدى ۇلگىسى بولىپ قالۋدا»، - دەلىنگەن حابارلامادا.
كەنەتتەن تەكسەرۋ كەزىندە بولىمشەلەردىڭ ءىس-قيمىلدارىنىڭ ۇيلەسۋى، ءار جاۋىنگەردىڭ ءوزىنىڭ وراعىتۋىن ءبىلۋى مەن شەبەر ورىنداۋى، باسقارۋدى ۇيىمداستىرۋ، اسكەر تۇرلەرى مەن تەكتەرى اراسىنداعى ءوزارا ءىس-ارەكەت ماسەلەلەرىنە ەرەكشە كوڭىل بولىنەدى.