بۇل تۋرالى Daily Mail-گە سىلتەمە جاساپ ras.kz حابارلادى.
باسىلىم قوسىمشا ماتەريالداردىڭ شارعا بايلانىپ جىبەرىلگەنىن جازادى. ونىڭ مالىمەتىنشە، ءاربىر شارعا سول سياقتى تايمەلى جارىلعىش زاتتارى بار شاعىن زارياد قوسا بەكىتىلگەن. جەرگە تۇسكەندە ولاردىڭ ونشاقتىسىنداعى زارياد جارىلماي قالعان.
باسىندا وڭتۇستىك كورەيا اسكەريلەرى شارلارعا حيميالىق نەمەسە بيولوگيالىق قارۋلار بايلاپ جىبەرمەدى مە ەكەن، دەگەن قاۋىپتە بولعان.
پحەنيان ءوزىنىڭ بۇل ارەكەتىن سەۋل تاراپىنان كۇشەيتىلىپ جاتقان ناسيحاتقا قارسى شارا رەتىندە جاساعان. ال وڭتۇستىك كورەيا مەملەكەتى ونى ك ح د ر سۋتەگى بومباسىن سىناقتان ءساتتى وتكىزگەنى تۋراسىندا مالىمدەمە تاراتقاننان كەيىن قايتا باستاپ كەتكەن. ءوز ەلىندە وسىنداي قۋاتتى قارۋدىڭ بار ەكەنىن كيم چەن ىن وتكەن جىلدىڭ جەلتوقسان ايىندا عانا ايتىپ بەرگەن بولاتىن. ونىڭ ايتۋىنشا، بۇل بومبا ەلدى ا ق ش تاراپىنان بولاتىن يادرولىق سوققىدان قورعاۋ ءۇشىن قاجەت.
2015-جىلعى تامىز ايىندا سەۋل سوڭعى 11 جىلدان كەيىن قايتادان ەكى مەملەكەت اراسىنداعى شەكاراعا دىبىس كۇشەيتكىش قويىپ، ناسيحاتتىق شارالارىنا قايتا كىرىسىپ كەتكەن ەدى. بۇل شاراعا ول ءوزىنىڭ ەكى سولداتى بەيتاراپ شەكارا القابىندا ميناعا جارىلىپ، قازا تاپقاننان كەيىن بارعان.