دۇنيەجۇزىلىك دەنساۋلىق ساقتاۋ ۇيىمى زيكا ۆيرۋسىن جاھاندىق قاتەر دەپ تاپتى
08:08, 02 - اقپان 2016
استانا. قازاقپارات - دۇنيەجۇزىلىك دەنساۋلىق ساقتاۋ ۇيىمى زيكا ۆيرۋسىن لاتىن امەريكاسى ەلدەرىنىڭ باسىنا تونگەن قاتەر جانە الەمدىك ماسشتابتاعى قاۋىپ دەپ تاپتى.
د د س ۇ بولجامىنشا، سولتۇستىك جانە وڭتۇستىك امەريكا ەلدەرىندە 4 ميلليون ادام وسى دەرتكە شالدىعۋى مۇمكىن.
دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى مارگارەت چان بۇعان دەيىن زيكا ۆيرۋسىنىڭ ەلەۋسىز دەرتتەن جاھاندىق قاتەرگە اينالعانىن ايتقان بولاتىن. وتكەن اپتادا اتالعان ۇيىم ۆيرۋستىڭ تەز تارالۋىنا بايلانىستى ونىڭ الدىن الاتىن «شۇعىل توپ» قۇرۋ تۋرالى شەشىم قابىلداعان. ۆيرۋس ادامنان ادامعا ماسالار ارقىلى تارايدى. ول اسىرەسە ەكىقابات ايەلدەرگە قاۋىپ توندىرەدى. سەبەبى اناسى اۋىرعان نارەستەدە ميكروتسەفاليا پايدا بولۋى مۇمكىن.
لاتىن امەريكاسىنىڭ كوپتەگەن ەلدەرى بالا كوتەرۋدى جوسپارلاپ جۇرگەندەرگە بۇل ءىستى كەيىنگە قالدىرۋ تۋرالى كەڭەس بەرىپ جاتىر، دەپ حابارلايدى BBC.