استانادا جوعارعى وقۋ ورىندارى اراسىنداعى ەڭ ۇزدىك ۇستاز انىقتالدى
«2015-جىلدىڭ قورىتىندىسى بويىنشا 61 وقۋ ورنىنان بارلىعى 200 وقىتۋشىعا وسى ماراپاتقا يە بولدى. ۇزدىك وقىتۋشىلاردىڭ 42 پايىزى - عىلىم دوكتورلارى، 53 پايىزى پروفەسسورلار ەكەن. بۇل ۇستازدار قازاقستان ەكونوميكاسىنىڭ ءار سالاسىنا قاجەتتى بىلىكتى جاستاردى وقىتىپ جاتقانىنا سەنىمدىمىن. وتاندىق ءبىلىمنىڭ دامۋىنا دا وسىنداي جان-جاقتى ۇستازداردىڭ قوسار ۇلەسى زور»، - دەدى ءبىلىم ءمينيسترى.
بۇل گرانت يەلەرى ۇلى بريتانيا، گەرمانيا، فرانسيا، يتاليا، يسپانيا، بەلگيا، پولشا، چەحيا، ۆەنگريا، شۆەتسيا، اۆستريا، بولگاريا، ليتۆا، لاتۆيا ەلدەرىنىڭ ەڭ جاقسى وقۋ ورىندارىندا تاجىريبەدەن وتە الادى. سونداي-اق، ءاربىر ۇزدىك ۇستازعا 2000 قىسقا ايلىق ەسەپتىك كورسەتكىش كولەمىندە مەملەكەتتىك گرانت بەرىلەدى. مينيسترلىكتىڭ مالىمەتىنە سۇيەنسەك، بۇل ماقساتقا رەسپۋبليكالىق بيۋدجەتتەن 848,4 ميلليون تەڭگە بولىنگەن.
«ۇزدىك ۇستاز ءبىر جىل ىشىندە ءارتۇرلى حالىقارالىق، رەسپۋبليكالىق عىلىمي كونفەرەنسيالارعا، ءارتۇلى كونگرەسستەر مەن سەمينارلارعا قاتىسا الادى. وسىلايشا، مەملەكەت ءبىلىمدى مامان وقىتاتىن بىلىكتى ۇستازدارعا جان-جاقتى قولداۋ كورسەتىپ وتىر»، - دەدى ا. ءسارىنجىپوۆ.