ەسەنتايەۆا ەندى دۇعالوۆانىكى دۇرىس دەپ وتىر
15:17, 01 - اقپان 2016
استانا. قازاقپارات - «وسىدان ءبىر جىل بۇرىن جانار مىڭنان تۇلپار بولىپ وزىپ شىقتى، سەبەبى ول حالىقارالىق ارەنادا ءوز ەلىنىڭ مارتەبەسىن قورعادى. ال بۇگىن سىزدەر وعان باس سالىپ جاتىرسىزدار، ول بار بولعانى قازاقستاننىڭ ساياسي ومىرىنە اتسالىسقىسى كەلەدى»، - دەپ جازدى ەسەنتايەۆا Instagram پاراقشاسىندا.
پروديۋسەر دۇعالوۆانىڭ مۇنداي قادامعا بارعانىن سىناعانداردىڭ قاتارىندا ءوزى ءبىرىنشى بولعانىن مويىندادى.
«ءيا، مەن ونىڭ ساياسي ومىرگە ارالاسۋعا تىم جاس ەكەنىن ايتىپ، ەلدەن بۇرىن سىن تاقتىم. ايتسە دە، جاناردىڭ قابىلەتتى ەكەنىن جاقسى بىلەمىن. بۇل مىندەت تە ونىڭ قولىنان كەلەتىنىنە ءشۇبا كەلتىرمەيمىن. ادامدى تالپىنىسى ءۇشىن ەمەس، قاتەلىگى ءۇشىن ايىپتاۋ كەرەك. جانار، ماقساتىڭا جەتەسىڭ، تەك العا»، - دەپ ويىن تۇيىندەدى پروديۋسەر.
ەستەرىڭىزگە سالا كەتسەك، بىرەر ۋاقىت بۇرىن بايان ەسەنتايەۆا ءماجىلىس دەپۋتاتتارىنىڭ سايلاۋىنا تۇسەتىن جانار دۇعالوۆانىڭ حالىق قالاۋلىسى بولۋ ءۇشىن تۇك بىتىرمەگەنىن ايتقان بولاتىن.