اتاپ ايتقاندا، كوكشەتاۋلىق كوماندا قازاقستاننىڭ تۇراقتى چەمپيوناتى اياسىنداعى ماتچتاردا وزدەرىنىڭ رۋدنىي قالاسىنان كەلگەن قارسىلاستارىن 4:1 ەسەبىمەن ۇتتى. وسىلايشا، «كوكجالدار» چەمپيوندىق اتاققا الدىن الا يە بولىپ وتىر.
ايتا كەتەرلىگى، ءبىرىنشى ماتچتا «ارلان» قارسىلاستارىن ايقىن باسىمدىقپەن ۇتقان بولاتىن. ويىن بارىسىندا قوناقتار قاقپاسىنا العاشقى شايبانى مارتينا كريشكا سالىپ، جەڭىسكە جول اشقان. ويىننىڭ ەكىنشى كەزەڭىنىڭ 26 مينۋتىندا رۋدنىي ويىنشىلارى حوككەيشىلەر سانىنىڭ باسىمدىعىنا يە بولعانىمەن، تەك ءبىر عانا شايبامەن ەرەكشەلەندى. بۇدان كەيىن رۋدنىيلىق كەنشىلەر قاقپاسىنا ءۇش مارتە شايبا سوعىلدى.
اۆتور: قانات مامەتقازى ۇلى