عالىمدار: كەيبىر ادامدار ءتاتتىنى قانشا جەسە دە سەمىرمەيدى

استانا. قازاقپارات - يزرايل ديەتولوگتارى جۇرگىزگەن زەرتتەۋ قىزىق قورىتىندىمەن اياقتالدى. ولاردىڭ ايتۋىنشا، كەيبىر ادامدار بالمۇزداق پەن تورتتى كوپتەپ جەسە دە، ارتىق سالماق قوسپايتىن بولىپ شىقتى.

تاجىريبە كەزىندە عالىمدار 800 ادامعا الۋان ءتۇرلى ازىق-تۇلىك بەرىپ، ولاردىڭ قانىنداعى قانت مولشەرىن ەسەپكە العان. ءبىراق، 46 مىڭ ءتۇرلى تاماقتى جەگەن قاتىسۋشىلاردىڭ قانداعى قانت كورسەتكىشىنە قاراماستان، ولاردىڭ بىردەي ەتىپ بەرىلگەن ازىقتى اعزاعا تۇرلىشە ءسىڭىرىپ، قورىتاتىنى انىقتالدى.

ادەتتە قانتتى ارتتىرعىش سانالاتىن بالمۇزداق پەن تورتقا قاتىستى بۇل پىكىر بارلىق ادامعا بىردەي قاتىستى بولمايدى ەكەن.

سەبەبى كەيبىر ادامدار ءتاتتىنى قانشا جەسە دە، دەنساۋلىعىنا ەش اسەر ەتپەيدى. بۇل بارلىق ادام ءۇشىن بىردەي پايدالى ديەتانىڭ جوقتىعىن تاعى دالەلدەدى، دەپ جازادى planet-today.ru.

www.24.kz