ليۆاندا «شپيون» قۇستى قولعا ءتۇسىردى
09:09, 30 - قاڭتار 2016
استانا. قازاقپارات - قورىقتان قاشىپ كەتكەن يزرايلدىك قۇزعىندى ليۆاندا شپيوندىققا قاتىسى بار دەپ ۇستاعان بولاتىن. قۇس بوستاندىققا جىبەرىلدى.
يزرايل تابيعاتتى قورعاۋ اگەنتتىگىنىڭ حابارلاۋىنشا، قۇزعىن وسىدان ءۇش كۇن بۇرىن قورىقتان قاشىپ كەتىپ، يزرايل-ليۆان شەكاراسىنان ۇشىپ وتكەن. ونى شەكاراداعى ليۆاندىق بينت-دجۋبايل قالاسىنىڭ تۇرعىندارى ۇستاپ العان.
قۇستىڭ اياعىنداعى تەلي-اۆيۆ ۋنيۆەرسيتەتىنىڭ تاڭباسى بار GPS- ترەكەردى كورگەن جەرگىلىكتى تۇرعىندار قۇس تىڭشىلىق ماقساتپەن جىبەرىلگەن دەپ ەسەپتەگەن. ولار قۇزعىندى باعاناعا بايلاپ قويعان.
ليۆان ب ا ق- تارىنىڭ حابارلاۋىنشا، ونىڭ تىڭشىلىققا قاتىسى جوقتىعىن بىلگەننەن كەيىن بوساتىپ جىبەرگەن.