قىتايدا قازاق ازاماتى ميلليونەر اتاندى

استانا. قازاقپارات - قىتايدىڭ التاي ايماعى قابا اۋدانىندا 26 -قاڭتار كۇنى «يگىلىك» ۇتىس لوتەرەياسىنىڭ «قوس ءتۇستى شار» سىيلىقتى بيلەتىنەن ءبىر قازاق ازاماتى قوماقتى قارجى ۇتىپ الدى.

قانداسىمىزدىڭ ۇتىپ العان سىيلىق سوماسى 10759612 يۋاندى قۇرايدى.

قوماقتى ۇتىس يەلەنگەن 40 جاستان اسقان لوتەرەيا اۋەسقويى 10 جىلدان بەرى ۇزدىكسىز لوتورەيا ويناپ كەلگەن. ۇتىس شىققان لوتورەيا ساندارى ونىڭ وتباسى مۇشەلەرىنىڭ تۋعان اي، كۇنىمەن قۇرامداس بولىپ شىققان. ۇتىس سوماسىن تەڭگەگە شاققاندا 559499824 تەڭگەنى قۇراپ وتىر. دوللارمەن ەسەپتەگەندە بۇل سوما 1543448 دوللاردى قۇرايدى، دەپ حابارلايدى «قامشى» پورتالى.

وسىنىڭ الدىندا، 14 -قاڭتار كۇنى التاي ايماعىنىڭ بەيتۇن قالاسىندا تاعى ءبىر لوتەرەيا اۋەسكەرى وسى لوتەرەيا بيلەتىنەن 10620158 يۋاندىق سىيلىققا يە بولعان ەدى.