سايلاۋدىڭ اشىق ءارى ءادىل وتۋىنە ەرەكشە ءمان بەرۋ كەرەك - ن. نازاربايەۆ
14:44, 29 - قاڭتار 2016
استانا. قازاقپارات - بۇگىن «نۇر وتان» پارتياسىنىڭ كەزەكتەن تىس 17- سەزىندە ءسوز سويلەگەن ق ر پرەزيدەنتى، پارتيا ءتوراعاسى نۇرسۇلتان نازاربايەۆ ماجىلىسكە دەپۋتات بولۋعا ۇمىتكەر كانديداتتارعا ساتتىلىك تىلەدى.
«بۇگىن ءبىز تاعى ءبىر تاريحي ءساتتى باسىمىزدان وتكەرىپ جاتىرمىز، سوندىقتان دا بۇگىن ءماجىلىس دەپۋتاتتىعىنا ۇسىنىلعان كانديداتتارعا، ءبىزدىڭ پارتيانىڭ مۇشەلەرىنە وسى سايلاۋدا شىن جۇرەگىمنەن ساتتىلىك تىلەيمىن. سايلاۋ بارىسى الەمنىڭ ءتۇرلى ەلدەرىنەن كوپتەگەن بايقاۋشىلاردىڭ نازارىندا بولادى. وسى ورايدا سايلاۋ اشىق، ادىلەتتى ءوتۋى ءتيىس. ءارقايسىسى دايىندالۋى كەرەك»، - دەدى پرەزيدەنت.
مەملەكەت باسشىسى كانديداتتاردى وزدەرىنىڭ بىلىمىمەن قارۋلانىپ، پارتيانىڭ اتقارعان جۇمىستارىن جانە الداعى ۋاقىتتا جۇزەگە اسىراتىن قادامدارىن دايەكتى تۇردە حالىققا جەتكىزۋگە شاقىردى.