دارىگەرلەر: سمارتفون دەنساۋلىقتى جاقسارتا الادى
بۇل تۋرالى ءبىرقاتار زەرتتەۋلەر وتكىزگەن امەريكاندىق عالىمدار مالىمدەدى.
وعاش كورىنگەنىمەن، سمارتفونداردىڭ كومەگىمەن ادامنىڭ بەلسەندىلىگىن ارتتىرۋعا بولادى. ال بۇل كوپتەگەن اۋرۋلار، سونىڭ ىشىندە وبىرعا شالدىعۋ قاۋپىن تومەندەتەدى. ءبىر ورىندا كوپ وتىرۋ ءومىر سالتى - كەۋدە، پروستاتا، انالىق بەزى وبىرىنىڭ پايدا بولۋىنا سەبەپ بولادى. بۇدان باسقا، ول كادىمگى سەمىزدىككە جول اشادى.
بۇل باعىتتاعى تاجىريبەلەردى ماماندار امەريكا ونكولوگيالىق قوعامىنىڭ قاراجاتىنا وتكىزگەن. تاجىريبە بارىسىندا 215 ەرىكتىنىڭ سمارتفوندارىنا ءبىر ورىندا كوپ وتىرۋدىڭ دەنساۋلىققا زيانى تۋرالى حابارلامالار جىبەرىلگەن. ناتيجەسىندە گادجەتتەردىڭ يەلەرى بۇدان بەلسەندىرەك بولعان.
موبيلدىك قۇرىلعىسىنا ەسكەرتۋ العان ادامدار وسىنداي ەسكەرتۋلەردى الماعان باقىلاۋ توبىنداعىلارعا قاراعاندا 25 پايىز كوپ قوزعالعان.