ەۋروپا بىرىنشىلىگىنىڭ تاريحىندا العاش رەت قازاقستان قۇراماسى ونەر كورسەتەدى. ءبىزدىڭ ۇلتتىق قۇرامامىز ىرىكتەۋ سىندارىندا ەۋروپاداعى بەلدى كوماندالاردىڭ ءبىرى پورتۋگاليانى تىزە بۇكتىرىپ سەنساتسيا جاساعان بولاتىن. ال قوسىمشا پلەي-وفف سىنىندا جىگىتتەرىمىزدىڭ بوسنيا جانە گەرتسەگوۆينالىقتاردى 9:0 ەسەبىمەن ويسىراتا ۇتقانى ءمالىم.
ەۋروپا بىرىنشىلىگىنىڭ فينالدىق كەزەڭىندە قازاقستان قۇراماسى پلەي-وفف سىنىنا بەرىلەتىن جولدامانى رەسەي جانە حورۆاتيا قۇرامالارىمەن ساراپقا سالماق. ءار توپتان كەلەسى كەزەڭگە كورسەتكىشتەرى جوعارى ەكى كوماندا شىعادى.
«قازاقستان» تەلەارناسىنىڭ كورەرمەندەرى قازاقستان قۇراماسىنىڭ توپتىق كەزدەسۋلەرى مەن پلەي-وفف كەزەڭىندەگى فينالدى قوسا العاندا بارلىق ماتچتاردى تىكەلەي ەفيردە تاماشالاي الادى، دەپ حابارلايدى تەلەارنانىڭ باسپا ءسوز قىزمەتىنەن.
بارلىق ترانسلياتسيالار كەلەسى كۇنى «Kazsport» تەلەارناسىندا قايتالانادى.