قىتاي كومپانيالارى قازاقستانداعى نىسانداردى جەكەشەلەندىرۋگە قاتىسۋ نيەتىن بىلدىرۋدە
بۇل تۋرالى بۇگىن استانادا تىلشىلەرگە بەرگەن سۇحباتىندا قازاقستانداعى ق ح ر- دىڭ توتەنشە جانە وكىلەتتى ەلشىسى چجان حانحۋەي ءمالىم ەتتى.
«قىتايلىق كومپانيالاردىڭ قازاقستان اۋماعىنداعى جوبالارعا ينۆەستيتسيا سالۋعا قىزىعۋشىلىعى ارتۋدا. قازىرگى كەزدە بىزدە كوپتەگەن كاسىپكەرلەر قازاقستاندا نىسانداردى جەكەشەلەندىرۋ بويىنشا اقپارات سۇراستىرۋدا. مەنىڭ ويىمشا، ەكىجاقتى شارتپەن، سونداي-اق ءوزارا ءتيىمدى ىنتىماقتاستىق نەگىزىندە قىتايلىق كاسىپكەرلەر جەكەشەلەندىرۋگە جانە جوبالاردىڭ قۇرىلىسىنا بەلسەندى قاتىساتىن بولادى»، - دەدى ەلشى.
وسى ورايدا چجان حانحۋەي كاسىپكەرلەرگە جەكەشەلەندىرۋگە قويىلاتىن نىسانداردى، قازاقستاننىڭ ۇلتتىق زاڭناماسىن زەردەلەۋگە ۋاقىت كەرەك ەكەنىن جەتكىزدى.
ونىڭ پايىمىنشا، ق ر ۇكىمەتى بۇگىندە ينۆەستورلار ءۇشىن قولايلى جاعداي جاساپ وتىر.
«قازاقستاندا شەتەل ينۆەستيتسيالارى ءۇشىن وتە جاقسى جاعدايلار جاسالعان دەپ پايىمدايمىز. بىرلەسكەن جۇمىستارعا قولايلى جاعداي جاساعانى ءۇشىن ق ر ۇكىمەتىنە العىسىمىزدى بىلدىرەمىز. اتاپ ايتقاندا، ءبىز بۇل باعىتتاعى جۇمىستارىمىزدى جالعاستىراتىن بولامىز»، - دەدى ەلشى.
اۆتور: رۋسلان عابباسوۆ