كامەلەتكە تولماعان وقۋشىسىن بۇلدىرگەن مۇعالىم ايەل ۇستالدى

بۇل تۋرالى The Daily Mail اقپارىنا سۇيەنگەن ras.kz حابارلادى.

وقيعا نيەۆادا شتاتىنىڭ لاس-ۆەگاس قالاسىندا ورىن العان.

«لاس-ۆەگاستا مۇعالىم ايەل كوررەكسيا سىنىبىندا وقيتىن وقۋشىسىمەن سەكس جاساسىپ جاتقان كەزدە قولعا ءتۇسىپ قالدى»، - دەلىنگەن حابارلامادا.

پوليتسيا حابارلاعانداي، 25 جاستاعى دجيلليان لافەيف مەكتەپتىڭ 16 جاسار وقۋشىسى ۆاللەي حيگ شۋلمەن جىنىستىق قاتىناس جاساسىپ جاتقان كەزىندە ۇستالعان. ال مۇعاليمانىڭ ءوزى مۇنى موينىنا العىسى جوق.

ءتارتىپ ساقشىلارى وقىتۋشى مەن جەتكىنشەك اراسىندا جازىلعان 13 مىڭنان استام حابارلامانى دا قولعا تۇسىرگەن. ولاردىڭ ىشىندە ەروتيكالىق سيپاتتا جازىلعاندارى دا از ەمەس ەكەن. بۇل ءۇشبۋ حاتتاردا ولار ءبىر-بىرلەرىن «ماما» جانە «ۇلىم» دەپ اتايدى.

وقۋشى بالا سونىمەن قاتار الەۋمەتتىك جەلىگە ءوزىنىڭ مۇعالىم ايەلمەن بىرگە تۇسكەن كوپتەگەن سۋرەتتەرىن جاريالاپ ۇلگەرىپتى. وقۋشى بالا پوليتسياعا ءوزىنىڭ لافەيۆتى سۇيەتىنىن ايتقان.

باسىلىم اقپارى بويىنشا، مەكتەپتە اعىلشىن تىلىنەن ساباق بەرەتىن ايەلدىڭ اكەسى وسىندا دەنە شىنىقتىرۋ ءپانىن جۇرگىزەدى ەكەن.

«وسىنىڭ ءبارى وتە قايعىلى، سەبەبى، بالالارىڭ تىم بولماسا وقۋ ورنىندا قاۋىپسىز عوي دەپ ويلاپ، الدانىپ جۇرەسىڭ»، - دەدى ۆاللەيدىڭ اناسى راكەل مارتينەس.

مۇعالىم ايەل 16- قاڭتار كۇنى قاماۋعا الىندى. ال ناۋرىز ايىندا وسى ءىس بويىنشا العاشقى سوت وتىرىسى وتەدى.

وتكەن جىلى ا ق ش- تىڭ فلوريدا شتاتىندا 17 جاسار ءۇش وقۋشىنى وسىلاي ازعىندىققا تۇسىرگەن مۇعالىم ايەلدىڭ سوتى ءوتتى. سۋديا بۇزىلعان ايەلدى 22 جىلعا سوتتادى.