استاناداعى ۇلتتىق مۋزەيدە «جىر كەرۋەنى» ءدارىس- كونسەرتى وتەدى
بۇل «حالىق قازىناسى» عىلىمي-زەرتتەۋ ينستيتۋتىنىڭ قازاق حالقىنىڭ ءداستۇرلى مۋزىكالىق ونەرىن جاڭعىرتۋ مەن ناسيحاتتاۋعا ارنالعان «ءداستۇرلى مۋزىكالىق مۇرا» اتتى باعدارلاماسى اياسىندا وتكىزگەلى وتىرعان تۇڭعىش شاراسى.
جىراۋلىق ءداستۇردىڭ تاريحى كۇلتەگىن، تونىكوك، ورحون ەنيسەي جازۋلارىنان، ەستەمىس- بۇمىن قاعاندارعا ارنالعان ماداق جىرلارىنان باستالادى. سول جەردەگى ءسوز تىركەستەرى دە، ونداعى ماداق تا جىراۋدىڭ اۋزىنان شىققان دەۋگە تولىق نەگىز بار. ودان كەيىنگى كەزەڭدەردە قورقىت اتا، سىپىرا جىراۋ، كەتبۇعا، اسان قايعى، شالكيىز، دوسپامبەت، قازتۋعان، ۇمبەتەي، بۇقار جىراۋلار جالعاسادى.
جىراۋلار سوزىندە بيىك رۋح، قايرات، كۇش بار. جىراۋلار ەلدىڭ مۇڭ-شەرىن، ارمان-ماقساتىن ەش بۇكپەسىز اشىق ايتقان. بۇگىنگى تاڭدا جىراۋلاردىڭ مۇرالارى ارقىلى تاريحي سانانى وياتۋ، جىرلاردى قالىڭ كوپشىلىككە ناسيحاتتاۋ اسا قاجەت.
ءدارىس- كونسەرتتى بەلگىلى جىراۋ، ق ر ەڭبەك سىڭىرگەن قايراتكەرى، قازاق ۇلتتىق ونەر ۋنيۆەرسيتەتىنىڭ پروفەسسورى، «پاراسات» وردەنىنىڭ يەگەرى الماس الماتوۆ جۇرگىزەدى.
شاراعا قازاق ۇلتتىق ونەر ۋنيۆەرسيتەتىنىڭ «جىرشىلىق ونەر» كافەدراسىنىڭ ستۋدەنتتەرى قاتىسادى.