ماسساچۋسەتس تەحنولوگيالىق ينستيتۋتىنداعى زەرتتەۋشىلەردىڭ ويلاپ تاپقان وراۋىشى - وتە يىلگىش جانە قوزعالىسقا كەدەرگى كەلتىرمەيتىن گيدروگەلدەن جاسالعان بەرىك داكە. وعان تەرىنىڭ تەمپەراتۋراسىن باقىلاپ، ينفەكتسيالارعا قارسى ءدارىنى اۆتوماتتى تۇردە سەبەتىن يننوۆاتسيالىق تەتىكتەر ورناتىلعان.
گيدروگەل 90 پايىز سۋدان قۇرالىپ، ادام تەرىسىنىڭ قاسيەتتەرىن قايتالايتىنداي جوبالانعان. گەلمەن وتەتىن تيتان سىمدارى داكەنى توق وتكىزگىش ەتىپ، وعان ەلەكتروندىق قۇرالداردى، مىسالى، جارتىلاي وتكىزگىشتىك چيپتەردى ەنگىزۋگە مۇمكىندىك بەرەدى. سونداي-اق وعان جارىق ديودتارى ورناتىلعان، ولار جاراداعى تەمپەراتۋرا بەلگىلى ءبىر شەكتەۋگە دەيىن جەتكەندە نەمەسە ءدارى-دارمەك اياقتالعاندا جانادى. گەلدىڭ قۇرامىندا ءدارى-دارمەكتەردىڭ قورى قۇرىلىپ، جاراعا ارنايى ارنالارمەن جەتكىزىلەدى.
عالىمدار بولاشاقتا جاراعا دارىگەردىڭ كاسىبي كومەگى قاجەت بولاتىن بولسا وندا داكەنىڭ قاشىقتىقتان ەسكەرتەتىن تەتىگىن جاساۋدى ويلاستىرىپ وتىر.
ال ازىرشە «اقىلدى» داكە تۇراقتى مەديتسينالىق باقىلاۋدى قاجەت ەتەتىن جانە ينفەكتسيالىق قاۋىپ تۋدىراتىن كۇيىك شالۋ كەزىندە سىنالماق.