وسى ماقساتتا ەلىمىزدە كولىكتەردى كادەگە اسىرۋ تولەماقىسى ءوستى دەپ حابارلايدى 24- ارنا.
ەندى شەتەلدىك اۆتوكولىك شىعارۋشىلار، يمپورتتاۋشىلار مەن سىرتتان كولىك ساتىپ العان جەكە تۇلعالار تەمىر تۇلپارلارىن تىركەۋ ءۇشىن قوماقتى قارجى تولەۋگە مىندەتتەلدى.
سوڭعى ستاتيستيكالىق مالىمەتتەرگە سايكەس، قازاقستاندا 5 ميلليونعا جۋىق اۆتوكولىك تىركەلگەن. سونىڭ ` عا جۋىعى ابدەن ەسكىرگەن. «سوندىقتان بۇل شەشىم وتاندىق اۆتووندىرىستى دامىتۋعا جانە ەكولوگيانىڭ جاقسارۋىنا ايتارلىقتاي سەپتىگىن تيگىزەدى»، - دەيدى ساراپشىلار.
«مۇنىڭ قاراپايىم تۇتىنۋشىلارعا تىكەلەي اسەرى بولمايدى. اشىپ ايتۋ كەرەك، ءبىزدىڭ تۇتىنۋشىلار، اۆتوكولىگى بار ادامدار بۇل تولەماقىنى ەشقايدا بارىپ تولەمەيدى. بۇل سالىق ءتۇرى يمپورتتاۋشىلار مەن وتاندىق اۆتووندىرۋشىلەرگە جۇكتەلىپ وتىر»، - دەيدى اۆتونارىق ساراپشىسى شالقار نۇرتىلەۋوۆ.