وتكەن جىلدىڭ باسىندا بەيجىڭ مەرى ۆان انشۋن قالا بيلىگى مەگاپوليس حالقىنىڭ ءوسىمىن شەكتەۋ قاجەتتىگىن مالىمدەگەن ەدى، الايدا ناقتى سانىن اتاماعان.
شينحۋا اگەنتتىگى حابارلاعانداي، ۆان انشۋننىڭ ايتۋىنشا، بيلىكتىڭ نەگىزگى ماقساتى قالا ورتالىعىنان ادامداردى شەت اۋداندارعا كوشىرۋ بولماق. اگەنتتىك دەرەك كوزدەرىنە قاراعاندا، بيلىك بەيجىڭ حالقىن قالانىڭ بارىنشا رەسۋرستىق مۇمكىندىكتەرىن، اتاپ ايتقاندا سۋمەن جابدىقتاۋدى ەسكەرىپ بارىپ شەكتەۋدى جوسپارلاۋدا.
2015-جىلى بەيجىڭنىڭ تۇراقتى تۇرعىندارىنىڭ سانى 21,7 ميلليون بولعان. 2016-جىلى قالا حالقىن 22 ميلليون دەڭگەيىندە شەكتەۋ جوسپارلانۋدا.
بۇدان باسقا، 2016-جىلى بەيجىڭ بيلىگى نەگىزىنەن ءوندىرىس سالاسىنان 300 دەي كومپانيانى قالا سىرتىنا شىعارۋعا نيەتتى. سونداي-اق 2017-جىلى كوپتەگەن اكىمشىلىك ورگانداردى تۋنچجوۋ قالاسىنا اۋىستىرۋدى جوسپارلاۋدا.