شتات گۋبەرناتورى ەندريۋ كۋومو وسىلاي ءمالىم ەتكەن.
جولعا شىعۋعا تەك جەدەل جاردەم مەن قۇتقارۋشىلار كولىگىنە رۇقسات بەرىلەدى.
شتاتتىڭ وڭتۇستىگى مەن لونگ-ايلەندتە دە وسىنداي شەكتەۋ سالىندى. سونداي-اق تۇرعىندارعا مەترو مەن تەمىرجول ارقىلى جۇرۋگە دە بولمايدى. بۇعان دەيىن قالادا اۆتوبۋستار قوزعالىسى توقتاتىلعان ەدى.
قالا ءمەرى بيللا دە بلازيونىڭ ايتۋىنشا، وسى تالاپتى پوليتسيا باقىلايدى. كوشەدە جۇرگەندەرگە ءتارتىپ ساقشىلارى دەرەۋ ۇيىنە قايتۋىن تالاپ ەتەدى. ەگەر تالاپتى ورىنداۋدان باس تارتقاندار بولسا، ولار قاماۋعا الىنادى.
بولجام بويىنشا وڭىرگە قالىڭدىعى 76 سانتيمەتر قار جاۋۋى كەرەك.
قازىرگى ۋاقىتتا جول پوليتسياسى 200 ج ك و تىركەگەن، ولار 300 قارعا باتقان كولىكتى سۇيرەپ شىعارۋعا ءماجبۇر بولعان.
ا ق ش- تىڭ 10 شتاتىندا توتەنشە جاعداي جاريالانعان.
مەتەورولوگتار اۋا رايىنىڭ ناشارلاۋىنان كەلەتىن شىعىن كولەمى 1 ميلليارد دوللارعا جەتۋى مۇمكىن دەپ وتىر.