ونى تاپقان باعانالى اۋىلىنداعى مەكتەپتىڭ وت جاعۋشىسىنىڭ ايتۋىنشا، كوكشىل-قىزىل تۇسكە بويالعان دەنەنىڭ جانىندا ءشوپ-شالاڭ مەن ءداننىڭ دە قالدىقتارى بولعان.
بۇل تۋرالى ك ت ك ارناسى حابارلايدى.
قوستانايلىق بيولوگتار وزگە پلانەتالىق تىرشىلىك يەسىن تاپتىق دەپ جار سالعانداردىڭ كوڭىلىن سۋ سەپكەندەي باستى. ولار مەكتەپ قازاندىعىنان تابىلعان جۇمباق قۇرتتىڭ قۇپياسىن اشتى. مامانداردىڭ ايتۋىنشا، تاڭ قالاتىن تۇك تە جوق.
ول بار بولعانى الدەبىر جانۋاردىڭ ءىش قۇرىلىسىنىڭ ءبىر بولىگى. ونى تاپقان باعانالى اۋىلىنداعى مەكتەپتىڭ وت جاعۋشىسىنىڭ ايتۋىنشا، كوكشىل-قىزىل تۇسكە بويالعان دەنەنىڭ جانىندا ءشوپ-شالاڭ مەن ءداننىڭ دە قالدىقتارى بولعان. ءتىپتى ءتىسىنىڭ دە بار ەكەندىگىن ايتىپ، وزگەلەردى سەندىرىپ باققان ەدى. ءتىسى دە، تىرناعى دا، ءتىپتى قان اينالىم جۇيەسى دە جوق اعزانى ەندى مال دارىگەرلەرى دە تەكسەرىستەن وتكىزىپ كورمەكشى. سودان كەيىن گيستولوگيالىق ساراپتاما جاساپ، ناقتى جاۋابىن ايتامىز دەپ وتىر.
Stan.kz