تاجىكستان پارلامەنتى پرەزيدەنتتىڭ شەكسىز رەت قايتا سايلانۋىنا رۇقسات بەردى

استانا. قازاقپارات - ەل پارلامەنتى تومەنگى پالاتاسىنىڭ دەپۋتاتتارى تاجىكستان كونستيتۋتسياسىنا وزگەرىستەر مەن تولىقتىرۋلار ەنگىزۋدى ءبىر اۋىزدان ماقۇلدادى.

زاڭعا سايكەس، ەل پرەزيدەنتى ەمومالي راحمون پرەزيدەنت بولىپ، شەكسىز تۇردە قايتا سايلانا الادى، دەپ حابارلايدى ت ا س س.

ەندى بۇل زاڭ جوباسىنىڭ ءماتىنىن كونستيتۋتسيالىق سوت ساراپتامادان وتكىزىپ، ەلدىڭ باستى زاڭىنا تۇزەتۋ ەنگىزۋ تۋرالى بۇكىل حالىقتىق رەفەرەندۋم وتكىزىلەدى. ەگەر تۇزەتۋلەر بەكىتىلسە، ەمومالي راحمون 2020 -جىلى وتەتىن پرەزيدەنت سايلاۋىندا ءوز كانديداتۋراسىن ۇسىنا الادى.

www.24.kz