كەنەسارىنىڭ نيكولاي پاتشاعا حاتى

نۇر- سۇلتان. قازاقپارات - «مارتەبەلى پاتشاعا كەلەسى ماسەلەنى تۇسىندىرگىم كەلەدى. ءسىزدىڭ بابالارىڭىز بيلىك قۇرعان، ال مەنىڭ اتام ابىلاي حان بولعان ۋاقىتتا ەشكىم بۇزا الماعان بەيبىت جانە تىنىش ءومىر ەدى.

ەكى جاق تا ءوزارا ساۋدا جاساپ، ەش كەدەرگىلەر بولمايتىن. حالقىمىزعا سالىق سالىنبايتىن. ودان كەيىن جاعداي تۇپكىلىكتى وزگەردى. جۇرتتان سالىق جينالىپ، ءتۇرلى قىسىم كورسەتىلە باستادى.

بۇرىنعى جاسالىنعان كەلىسىمدى بۇزعان، كىشى دارەجەلى باسشىلارىڭىز بۇكىل قازاق حالقى رەسەي بوداندىعىنا كىردى دەپ جالعان كورسەتىپ ءجۇر. سالدارىنان مەنىڭ ابىلاي اتامنىڭ يەلىگىندە بولعان جەرلەردە سەگىز دۋان سالىندى.

بۇل ءبىزدىڭ حالقىمىز ءۇشىن وتە قايعىلى جاعداي، اسىرەسە وعان سالىقتىڭ سالىنۋى تىپتەن وكىنىشتى. سوندىقتان دا بارلىق قازاق حالقى قىسىم كورمەي، تىنىش ءومىر سۇرسە ەكەن دەپ تىلەيمىز.

سىزگە دەگەن قۇرمەتىمدى كورسەتە وتىرىپ، قازاق حالقىن سول باياعى كۇيىندە قالدىرىپ، تۋعان جەرىمىزدە ورنالاسقان سەگىز وكرۋگتىك دۋاندار مەن وزگە دە مەكەمەلەرىڭىزدى جويۋىڭىزدى سۇرايمىن». ءوز ءسوزى ەكەنىن كورسەتۋ ءۇشىن كەنەسارى قاسىم ۇلىنىڭ ءمورى باسىلدى.

ەدىگە ءۋاليحانوۆ «كەنەسارى».

2004-جىل. 16-بەت.

اۋدارعان رۇستەم نۇركەن.

namys.kz