«بۇل ورىندى»، - دەدى لي كىشياڭ. سەبەبى الىپ ەلدىڭ ءوندىرىسى وسىعان دەيىن كوپتەگەن شيكىزاتتى يمپورتتاۋدى تالاپ ەتكەن.
ايتۋىنشا ەندى قىتاي وزگە دە سەكتورلار ارقىلى ەكونوميكالىق وسىمگە قول جەتكىزۋدى قالايدى. جاڭا رەفورمالاردى ىسكە اسىرىپ، دامۋدىڭ جاڭا ساتىسىنا كوتەرىلۋدى كوزدەيدى. ساراپشىلاردىڭ ايتۋىنشا، قىتاي ەلىنىڭ ءوندىرىسى ىشكى جانە سىرتقى نارىقتاعى سۇرانىستى تولىعىمەن قامتىپ بولدى. سول سەبەپتى تۇتىنۋشىلاردىڭ ەرتە مە كەش پە ازاياتىنىن الدىن الا بولجاعاندارىن ايتادى. ەندىگى كەزەكتە وزگە دە سەكتورلاردى دامىتۋ ارقىلى تەز ارادا وسىمگە قول جەتكىزۋگە مۇددەلى.
دجيمين كيم، دۇنيەجۇزىلىك بانك پرەزيدەنتى - قىتاي بىرنەشە جىل بۇرىن وزدەرىنىڭ ەكونوميكاسىنداعى جاڭا بەتالىس بولاتىنىن ەسكەرىپتى. ولار وسىمگە وزگە تاسىلدەر ارقىلى قول جەتكىزۋدى قالايتىنىن ايتقان ەدى. ەندى وسى ۇدەرىستى كورىپ وتىرمىز. ەلدىڭ ينۆەستيتسيالىق جوبالارى كۇرت ازايىپ، ءوندىرىس باسەڭدەپ، ال قىزمەت كورسەتۋ سالالارى دامي تۇسكەن.
الەمنىڭ ەكىنشى الىپ ەكونوميكاسى بولعاننان سوڭ، جاھاندىق تۇرعىدا ىقپال ەتىپ وتىر. مەنىڭ ويىمشا، وسى قادامدارى جايىندا ءمالىم ەتكەن قىتاي ءوز جوسپارلاعانى بويىنشا ارەكەتتەنۋدە. دەمەك بارلىعى ويداعىداي بولادى دەپ ويلايمىن. جاڭا ەكونوميكاسىنىڭ كوپ ۇزاماي ىلگەرىلەيتىنىن وزدەرى دە ءمالىم ەتىپ وتىر.
www.khabar.kz