كىتاپ اۆتورى - نازاربايەۆ ۋنيۆەرسيتەتىنىڭ ءتورتىنشى كۋرس ستۋدەنتى سەرىكبولسىن دۇيسەمباي.
ونىڭ كىتاپ شىعارۋعا مەكتەپتەگى ماتەتەماتيكانى وقىتۋ باعدارلاماسىنىڭ السىزدىگى تۇرتكى بولعان. سەبەبى قاراپايىم مەكتەپتىڭ وقۋشىلارىنا بىردەن نازاربايەۆ زياتكەرلىك مەكتەبى مەن قازاق- تۇرىك ليسەيىنە ءتۇسۋ قيىنعا سوعادى ەكەن. سوندىقتان جاس عالىم قازاق تىلىندە ماتەماتيكادان تەستتىڭ جاتتىعۋلار جيىنتىعىن شىعارعان. ازىرگە ستۋدەنت ءوز قاراجاتىنا تەك 100 داناسىن جارىققا شىعارعان. قازىر اتا- انالاردىڭ سۇراۋىمەن كىتاپ ورىس تىلىنە اۋدارىلىپ جاتىر ەكەن.
سەرىكبولسىن دۇيسەمباي، كىتاپ اۆتورى:
بۇل جەردە مەنىڭ ەشقانداي وسى كىتاپتان قالتامدى قامپايتۋ ەمەس، بۇل جەردە ەڭ باستى ماقساتىم - وقۋشىلارعا وسى قاجەتتى ماتەريالداردى جەتكىزۋ بولىپ تابىلادى. قازاقتىڭ قاراكوز بالالارى قالادا عانا ەمەس، اۋىلدا دا وقىپ جاتقان تالاي دارىندى بالالار بار. سولارعا وسى اقپاراتتار، وسى وقۋ قۇرالدارى جەتسە، دەپ ويلايمىن. ءبىلىمى بار، ماتەماتيكاعا يكەمى بار جاستاردى بىرىگىپ جۇمىس جاساۋعا شاقىرامىن.
كىتاپتى شىعارۋعا قاراجاتتى سەرىكبولسىن دۇيسەنباي بالالارعا قوسىمشا ساباق بەرىپ جيناعان. سول كەزدە ول ەلىمىزدە ارنايى وقۋلىعى جوق تاپسىرمالاردى اعىلشىن تىلىنەن قازاق تىلىنە اۋدارىپ وقىتۋشىلارعا ۇيرەتۋدى باستاپتى. ءبىلىم بەرگەن بالالاردىڭ 90 پايىزىنا دەيىن جوعارعى ساناتتى مەكتەپتەرگە ءبىرىنشى ەمتيحاننان وتكەن. جاس عالىمنىڭ جاڭا ءتاسىلى ناتيجەلى ەكەنىن بالاسى نازاربايەۆ زياتكەرلىك مەكتەبىنە تۇسكەن اتا- انا دا مويىنداپ وتىر.
گۇلميرا مۇقاجانوۆا، اتا- انا:
مەكتەپتەگى ءبىلىمى بالانىڭ العان جەتكىلىكسىز. ول قوسىمشا مالىمەت الۋ كەرەك. كوبىنەسە لوگيكاعا ارنالعان ەسەپتەر بىزدە از. ورىس تىلىندە جەتكىلىكتى دەپ ويلايمىن. ال قازاق سىنىبىنداعىلارعا از.
«استانا» ارناسى