مىنا سىزبادا ەكى جاقتىڭ پىكىرى بويىنشا مەملەكەتتىك شەكارا بەلگىلەنگەن. قارا تۇسپەن قىرعىزستاننىڭ قازىرگى نۇسقاسى، ال كوكپەن تاجىكستاننىڭ شەكارا نۇسقاسى كورسەتىلگەن. ەكى ورتاداعى داۋلى اۋماق سارى تۇسپەن بويالعان.
داۋلى اۋماق اۋدانى - 500 گەكتار. بۇل - تەك قانا ۆورۋح شەكاراسىنداعى جەر. جالپى، ەكى ەل اراسىنداعى شەكارانىڭ 520 شاقىرىمى سىزىلماي قالعان. سالدارىنان حالقى كوپ شەكارالاس اۋىل تۇرعىندارى اراسىندا جانجالدار جيىلەگەن. ءتىپتى ءبىر اۋىلداعى ۇيلەر شاحمات تارتىبىمەن ورنالاسقاندىقتان، ولاردىڭ قاي مەملەكەتتىڭ اۋماعىندا تۇرعانىن انىقتاۋ قيىنعا سوعاتىن. ال شۋدىڭ سوڭى قاقتىعىسقا ۇلاسىپ، زارداپ شەككەندەر دە بولدى.
رايمبەردي ديۋيشەمبيەۆ، قىرعىزستان رەسپۋبليكاسىنىڭ شەكارالىق قىزمەت ءتوراعاسى:
- وسى كەزگە دەيىن قىرعىزستان- تاجىكستان شەكاراسىندا 49 داۋلى اۋماق بولدى. 2014 - جىلى وسى جەردە 40 رەت شۋ شىعىپتى. ەكىجاقتى كەلىسسوزدەر باستالعالى ولاردىڭ سانى ەكى ەسەگە ازايدى. نەگىزىنەن جەرگىلىكتى حالىق اراسىنداعى داۋلاردىڭ سەبەبى جەر، سۋارۋ جانە مالدى ورىسكە ايداۋ ماسەلەسى بولاتىن. ەكى ەل اراسىنداعى شەكارا بەلگىلەنبەگەن جاعدايدا بۇل ماسەلەلەر شەشىلمەي، داۋ- جانجالدار توقتاماس ەدى.
ەكى تاراپتىڭ شەكارا ماسەلەسى بويىنشا ەكى ءتۇرلى قۇجاتقا سۇيەنۋى داۋدىڭ ۇزاق جىلدار بويى شەشىلمەۋىنە سەپ بولدى. تاجىكستان تارابى ⅩⅩ عاسىردىڭ باسىنداعى مالىمەتتەرگە سۇيەنسە، قىرعىزستان بيلىگى 60-80- جىلدارى جاريا بولعان قۇجاتتاردى نەگىز ەتتى. تۇرعىندار اراسىنداعى قاقتىعىس ۋشىقپاعاندا، شەكارا ماسەلەسى شەشىلمەي، كەيىنگە قالۋى ابدەن مۇمكىن ەدى. ءتىپتى قوس ەل بيلىگى ەكى رەسپۋبليكا ازاماتتارى ءبىر- بىرىمەن كەزىكپەۋ ءۇشىن اينالما جول سالىپ بەرۋ شەشىمى دە ەش ناتيجە بەرگەن جوق. جاعدايدى ەسكەرگەن المازبەك اتامبايەۆ پەن ەمومالي راحمون ىمىراعا كەلىپ، شەكارا ماسەلەسىن تۇبەگەيلى شەشىپ الۋعا كەلىستى.
االى كاراشيەۆ، ق ر ۇكىمەتىنىڭ ءبىرىنشى ۆيسە- پرەمەرى:
- شەكارا ماسەلەسىن تەز ارادا شەشۋ ماقساتىندا ەكىجاقتى ۇكىمەتارالىق كوميسسيا مارتەبەسى ۆيسە- پرەمەر- مينيسترلەردىڭ دەڭگەيىنە كوتەرىلدى. اسىرەسە، وتكەن جىلى اسا بەلسەندىلىك تانىتۋعا تۋرا كەلدى. ناتيجەسىندە شەكارالاس اۋماقتىڭ باسىم بولىگى شەشىمىن تاپتى. ورتاق شەكارانىڭ تەك قانا % 54- ى بويىنشا كەلىستىك. ءبىراق الدىمەن داۋلى اۋماقتاردى سىزىپ الۋ كەرەك دەپ شەشتىك. سەبەبى باسقا اۋماقتار بويىنشا قايشىلىق جوق.
سوڭعى ەكى جىل ىشىندە ەكىجاقتى ۇكىمەتارالىق كوميسسيا 10 شاقتى رەت كەزدەسىپ، 971 شاقىرىم شەكارانىڭ 520 شاقىرىمى بويىنشا كەلىسىمگە كەلدى. سىزبا قىرعىزستان، تاجىكستان مەن قىتاي ەلدەرىنىڭ قيىلىسىنا سۇيەنە وتىرىپ بەلگىلەندى. ال وعان ەگەمەندىك العان كەزدەگى شەكارا بەلگىلەنگەن 1991 - جىلعى الماتى دەكلاراتسياسى زاڭدى نەگىزگە الىندى.
www.24.kz