«سوڭعى ۋاقىتتا الەۋمەتتىك جەلىلەردە تۇماۋعا قاتىستى ۇرەي تۋعىزاتىن اقپارات تاراپ جاتىر. ول شىندىققا جاناسپايدى. بۇل اقپاراتتىڭ الماتىنى ايتپاعاننىڭ وزىندە قازاقستانعا قاتىسى بارى- جوعى ازىرگە بەلگىسىز. الايدا، ق ر ىشكى ىستەر مينيسترلىگى بۇل دەرەك بويىنشا ورتالىقتاندىرىلعان تۇردە تەكسەرۋ جۇرگىزىپ جاتىر»، - دەدى الماتى قالالىق ءى ءى د-نىڭ رەسمي وكىلى سالتانات ازىربەك.
ق ر قىلمىستىق كودەكسىنىڭ جاڭا رەداكسياسىنا سايكەس، بۇقارالىق اقپارات قۇرالدارى مەن الەۋمەتتىك جەلىلەر ارقىلى قاساقانا جالعان اقپاراتتى تاراتۋ بويىنشا 5 مىڭ ايلىق- ەسەپتىك كورسەتكىشكە دەيىن ايىپپۇل سالۋ نەمەسە 2 جىلدان 5 جىلعا دەيىن باس بوستاندىعىنان ايىرۋ جازاسى قاراستىرىلعان.
«وتكەن جىلى ءار ءتۇرلى باعىتتا جالعان اقپارات تاراتقان 10 ادام انىقتالدى. مۇنداي اقپاراتتار ادامدار اراسىندا ۇرەي تۋعىزاتىنى انىق. سوندىقتان مۇنداي جاعدايدا ءتۇسىندىرۋ جۇمىستارى جۇرگىزىلەدى. وسىعان بايلانىستى، الەۋمەتتىك جەلى ارقىلى اقپارات جازاتىن ازاماتتاردى ءار ءسوزى ءۇشىن جاۋاپتى بولۋعا شاقىرامىز»، - دەدى س. ازىربەك.
ايتا كەتەلىك، WhatsApp مەسسەندجەرىندە شوشقا تۇماۋى تۋرالى دىبىستىق حابارلاما تاراتقان ايەل تۇماۋ ىندەتىنىڭ تارالىپ جاتقانى جانە شوشقا تۇماۋىنان 39 ادامنىڭ كوز جۇمعانى جايلى ايتادى. ال بۇل وقيعانىڭ قاي جەردە ورىن العانى ايتىلماعان.
اۆتور: جاپپاربەرگەن ايبوتا