قازاقستاندىق ءمۇسىنشى حالىقارالىق مۇز بەن قار فەستيۆالىندە جۇلدەگەر اتاندى - فوتو

استانا. قازاقپارات - حورگوستا وتكەن مۇز جانە قار فەستيۆالىندە قازاقستاندىق تالعات ابدىلدايەۆ II ورىن الدى، - دەپ حابارلايدى Tengrinews.kz ءتىلشىسى.

ءۇشىنشى ورىن قازاقستاننان بارعان تاعى ءبىر ءمۇسىنشى تالعات جۇماعۇلوۆقا بۇيىردى. ولار جۇرگەنوۆ اتىنداعى ونەر اكادەمياسىنىڭ «سۋرەت ونەرى، ءمۇسىن جانە ديزاين» فاكۋلتەتىنىڭ ستۋدەنتتەرى.

ابدىلدايەۆتىڭ ايتۋىنشا، التى ءمۇسىندى دايىنداۋعا ءتورت كۇن ۋاقىت جۇمسالعان. ۇسىنىلعان جۇمىستاردىڭ ىشىندە «بايتەرەك»، «ۇماي- انا»، «التىن ادام»، «ەركىندىك»، «قورقىت ءۇنى» جانە «ساق بارسى» بار.

«بۇل مەنىڭ مۇزدى ويىپ ءمۇسىن جاساۋداعى العاشقى تاجىريبەم. دەگەنمەن مۇسىن جاساۋ سالاسىندا 11 جىلدان بەرى ءجۇرمىن. بۇعان دەيىن سۋرەت ونەرىنەن باس جۇلدە جەڭىپ الدىم. Erasmus باعدارلاماسى بويىنشا جارتى جىلداي ءبىلىم الدىم»، - دەدى ول.

تالعات ابدىلدايەۆ ۇسىنعان سۋرەتتەر.