بۇل جايلى دانيا جانە گرەنلانديانىڭ گەولوگيالىق بارلاۋ قىزمەتكەرلەرى مالىمدەدى، دەپ حابارلايدى BNews.kz.
عالىمداردىڭ ايتۋىنشا، 2009، 2010-جىلداردىڭ ەرەكشە ىستىق جازعى ماۋسىمدارىنان كەيىن ارالدىڭ باسىم بولىگىن الىپ جاتقان مۇزدىقتار قاباتى ەرىپ كەتتى. بۇعان دەيىن ماماندار مۇنداي قۇبىلىستىڭ بولۋىن ەسەپكە الماعاندىقتان، كليماتتىڭ جىلىنۋ اسەرى بولجانعاننان دا بۇرىن ءبىلىنىپ وتىر، دەپ جازادى ت ا س س.
پروفەسسور دجەيسون بوكستىڭ جەرگىلىكتى باسىلىمىندا جاريالانعان سۇحباتىنا سۇيەنسەك، ەرىگەن مۇزدىقتىڭ سۋى كەلەسى ماۋسىمعا دەيىن قاتىپ، تولىق مۇزعا اينالۋى كەرەك ەدى.
بۇعان دەيىن گرەنلانديانىڭ كەيبىر اۋداندارىندا سۋ كولەمىن تەجەپ وتىرعان مۇزدىقتىڭ قالىڭدىعى 40 مەترگە دەيىن جەتسە، بۇگىنگى تاڭدا ولاردىڭ ءبارى 3 مەترگە قىسقارعان. ازىرگە عالىمدار اتالعان قۇبىلىستىڭ سالدارى جايلى ەشقانداي مالىمەت تاراتپادى.