قۇداي-اۋ، باياعىداي تۇشىنىپ كورەتىن بىردە-ءبىر دۇنيە جوق. بۇل نە دەگەن تويلاپ بىتپەيتىن دۋمان، كوكجاشىكتى قوسىپ قالساڭ، ءبىر ءدۇبارا جۇلدىز، دۇمبىلەز ءاندى شىرقايدى دا جاتادى. نە ءانشى دە ۇيات جوق، نە ونى ەفيرگە جىبەرىپ وتىرعان تەلەارنا قىزمەتكەرىندە ۇيات جوق. ءبىرى اتاق ءۇشىن اردان بەزسە، ەكىنشىسى اقشا ءۇشىن اردان بەزگەن قازاقتار.
جاسىراتىن تۇگى دە جوق، ەكراندى جاۋلاپ العان مىنا ءارتىس بەيباق تەككە تايراڭداپ جۇرگەن جوق، انا ەكىنشى بەيباقتىڭ كومەيىنە اقشا جۇگىرەتەدى دە، ەكراندا سايراندايدى. حالىق بايقۇس ەكراننان تۇسپەي قويعان ءارتىستى جارقىراعان جۇلدىز دەپ ويلايدى. نە ءانىن دە، نە ءسوزىن دە ءمان جوق...
اقىرى حالىق وسىنداي ءدۇبارا ءاندى ونەردىڭ شىڭى نەمەسە اسقان شەديەۆر دەپ تۇسىنەدى. سەبەبى، حالىقتىڭ ميىندا باياعىدان بەرى «تەلەديداردا تەك مىقتى اندەر عانا شىرقالادى» دەگەن قاتىپ قالعان تۇسىنىك بار. سودان حالىق قايتەدى، جاڭاعى جىندى اۋەندەر ارقىلى قازىرگى ونەردى باعالايدى. جاستار جاعى كوزسىز ەلىكتەيدى...
كەزىندە گيتلەردەن سوۆەت ەلىن جاۋلاپ العان سوڭ قانداي ساياسات قولداناسىز دەپ، جۋرنالشى سۇراعاندا، «جاۋلاپ العان ەلدەرگە، اسىرەسە شىعىس حالىقتارىنا ەرتەدەن كەشكە دەيىن مۋزىكا تىڭداتا بەرۋ كەرەك، ويلانۋعا مۇمكىندىك بەرمەۋ كەرەك. سەبەبى، ادام نەعۇرلىم رۋحاني جاعىنان ساياز بولسا، سوعۇرلىم ءوزىن باقىتتى سەزىنەدى» دەگەن.
قازىر ءبىزدىڭ تەلەارنالار وسى گيتلەردىڭ ورىندالماي قالعان ارمانىن ورىنداپ جاتىر.
قوعامدى رۋحسىزدىق جايلاپ بارادى. تەلەارنا باسشىلارى ەڭ بولماعاندا ءبىر ءسات حالىقتى ويلاساڭدارشى، كۇندىز-ءتۇنى ەفيردە ساياز اندەر مەن قالجىڭباس ارتىستەردى سايرانداتىپ قويدىڭدار. ءوزى جىندى جۇرتتى ەسىرىك مۋزىكامەن جىنىن قايتا-قايتا قوزدىرىپ، ميعۇلا-ماڭگۇرتكە اينالدىرىڭدار دەپ سەندەرگە ءوزى بىرەۋ-مىرەۋ تاپسىرما بەرىپ وتىرعان جوق پا؟! ءمانسىز مۋزىكا ساۋ ادامدى جىندى قىلادى. ونى عىلىمدار باياعىدا دالەلدەپ تاستاعان.
تىنىق مۇحيتتا پەلوپەرلوس دەيتىن ارال بار. ونى ساياحاتشىلار دەلفيندەر وتانى دەپ اتايدى. ويتكەنى، جاعالاۋ تولى دەلفين جامىراي-جايىلىپ، سۋدا اسىر سالىپ ويناپ، ادامدارعا ەركەلەپ مارە-سارە بولادى. عالىمدار وسى دەلفيندەرگە ءمانسىز، داراقى مۋزىكا قالاي اسەر ەتەرىن سىناپ كورمەككە، سول جەرگە اپارىپ قازىرگى جاستار ءسۇيىپ بيلەيتىن داڭعازا ىرعاقتى ويناتقاندا دەلفيندەر ءبىرىنىڭ ۇستىنە ءبىرى سەكىرىپ بيلەپ، قاراداي قۇتىرىنىپ، وزدەرىن جاعاعا لاقتىرىپ جىبەرگەن ەكەن.
مىنا تەلەارنالار سەندەردى دەلفيندەر سياقتى جاعاعا لاقتىرىپ تاستاعىسى كەپ جانتالاسىپ باعۋدا. بەرىلمەڭدەر قازاقتار!!!
ءسابيت ساعىنايەۆ،
namys.kz