قىتاي ينۆەستورلارى ەكولوگيالىق تازا قۋات كوزىن وندىرۋگە اتسالىسپاق
ەلىمىز بولاشاق ەنەرگيانىڭ ايتارلىقتاي الەۋەتىنە يە. 2050-جىلعا قاراي بالامالى ەنەرگيا ەلدە وندىرىلگەن بارلىق ەنەرگيانىڭ جارتىسىنا جاقىنداۋى ءتيىس. ونداي مۇمكىندىگىمىز بار»، - دەگەن بولاتىن. وسىعان وراي ەلىمىز كورشىلەس قىتايمەن بىرلەسىپ جاڭا ءبىر سالا - ەكولوگيالىق تازا قۋات كوزىن ءوندىرۋ باعىتىندا دا ارىپتەستىككە قول جەتكىزىپ كەلەدى.
ەلباسىنىڭ بالامالى ەنەرگيا كوزدەرىن دامىتۋ جوباسىن قولداۋ ماقساتىندا قالا اكىمى عابيدوللا ءابدىراحىموۆ ق ح ر «داتانگ وۆەرسيز ينۆەستمەنت» كومپانياسىنىڭ ورتالىق ازياداعى ينۆەستيتسيالىق جوبالار جونىندەگى باسشىسى جاڭ جەمەن كەزدەستى. قازىرگى تاڭدا الەمدە ەنەرگيا كوزدەرىنە دەگەن سۇرانىستىڭ جىل وتكەن سايىن ارتىپ وتىرعاندىعىن ءسوز ەتكەن قوس تاراپ، جاڭا ەنەرگيا كوزدەرىن تابۋدىڭ جولدارىن تالقىلادى.
بۇل رەتتە «داتانگ» كومپانياسىنىڭ جاۋاپتىلارى قالپىنا كەلەتىن قۋات كوزدەرى جوبالارىن دامىتۋداعى ىنتىماقتاستىق تۋرالى ءوز ويىن ورتاعا سالدى. ءوز كەزەگىندە شاھار باسشىسى «شىمكەنت قالاسىنىڭ 2020-جىلدارعا ارنالعان دامۋ تۇجىرىمداماسىنداعى» جاڭا جوبالارعا وسىنداي ەكولوگيالىق تالاپتارعا ساي ەنەرگيا كوزدەرىنىڭ قاجەت ەكەندىگىن ايتىپ ءوتتى. ءارى، قىزىعۋشىلىق تانىتقان كاسىپورىندارعا قولداۋ كورسەتەتىندىگىن جەتكىزدى.
ايتا كەتەرلىگى، قازىرگى تاڭدا قىتايلىق كومپانيا قازاقستاندا كومىر گازىن (جانعان كومىردەن الىناتىن گاز) ءوندىرۋ جوباسىنا بەلسەنە ارالاسىپ جاتىر. قازىر ولار ەلىمىزدەگى ەلەكتر ستانسالارىن گاز گەنەراتورلارىمەن جابدىقتاۋدا. تابيعاتتى قورعاۋعا قوسار ۇلەسىن بىلاي قويعاندا، بۇل جوبا جاڭا جۇمىس ورىندارىن اشىپ، جاڭا ينۆەستيتسيالىق مۇمكىندىكتەر الىپ كەلەرى انىق.
Baq.kz