كەرري مۇنى ماگاتە تەگەراننىڭ يادرولىق كەلىسىم بويىنشا بارلىق تالاپتاردى ورىنداعانىن راستاعان سوڭ ايتتى.
سەنبى، 16 - قاڭتاردا ا ق ش پرەزيدەنتى باراك وباما يرانعا سالىنعان سانكسيالاردى الۋ جونىندەگى جارلىق شىعاردى، دەپ حابارلادى لەنتا. رۋ.
ەۋروپالىق ديپلوماتيانىڭ باسشىسى فەدەريكا موگەريني دە وسىنداي مالىمدەمە جاسادى. ونىڭ سوزىنە قاراعاندا، يادرولىق سالاسىنداعى قىزمەتىنە بايلانىستى سالىنعان سانكسيالار جويىلدى، دەپ جازدى Reuters.
ماگاتە باسشىسى يۋكيا امانو سەنبى كۇنى يران بىرلەسكەن بارلىعىن قامتيتىن ءىس- قيمىل جوسپارىن جۇزەگە اسىرۋعا كوشۋدىڭ قاجەتتى ازىرلىك قادامىن اياقتاعانىن قۋاتتايتىن بايانداما وقىدى. قۇجات ب ۇ ۇ- نىڭ قاۋىپسىزدىك كەڭەسى مەن ماگاتە باسقارۋ كەڭەسىنىڭ قاراۋىنا ۇسىنىلدى.
ماگاتە باسشىسى اتاپ وتكەندەي، اگەنتتىك ينسپەكتورلارى يران ءىس- قيمىل جوسپارىنا سايكەس بارلىق شارالاردى جۇزەگە اسىرعانىن راستادى. ول سونداي- اق تەگەران ماگاتە كەپىلدىكتەرى تۋرالى كەلىسىمگە قوسىمشا حاتتامانى قولدانۋدى باستايدى، ال بۇل ءوز كەزىندە يسلام رەسپۋبليكاسىنىڭ باسقا مىندەتتەمەلەرىمەن بىرگە ماگاتە- ءنىڭ يراننىڭ يادرولىق سالاداعى قىزمەتىنە باقىلاۋ مۇمكىندىگىن كۇشەيتە تۇسەتىنىن ايتتى.
2015 - جىلعى شىلدەنىڭ ورتاسىندا يران جانە حالىقارالىق دەلدالداردىڭ «التىلىعى» (اقش، رەسەي، قىتاي، ۇلىبريتانيا، فرانتسيا، گەرمانيا) تەگەراننىڭ يادرولىق باعدارلاماسى بويىنشا ۋاعدالاستىققا قول جەتكىزدى. يسلام رەسپۋبليكاسى فوردوداعى زاۋىتتى تەحنولوگيالىق ورتالىققا اينالدىرۋعا ال اراكەدەگى رەاكتوردى حالىقارالىق كونسورتسيۋم جوباسىنا سايكەس قايتا قۇرۋعا مىندەتتەندى، وندا پايدالانىلعان وتىن ەل شەگىنەن تىسقارى شىعارىلادى.
تەگەران سونداي- اق ۋراندى 3,67 پايىزدان جوعارى بايىتپاۋعا جانە 15 جىل مەرزىمگە ۋران كولەمىن 300 كەلىدەن شەكتەۋگە مىندەتتەندى. يران وسى مىندەتتەرىن ورىنداعان جاعدايدا ودان سانكسيالار الىنىپ تاستالادى.
حالىقارالىق قوعامداستىق يراننىڭ بايىتىلعان ۋراندى سوعىس ماقساتتارىنا پايدالانۋ الەۋەتتى مۇمكىندىگىنە الاڭداعان بولاتىن.