«بۇگىن مەن يران بىرلەسكەن بارلىعىن قامتيتىن ءىس- قيمىل جوسپارىن جۇزەگە اسىرۋعا كوشۋدىڭ قاجەتتى ازىرلىك قادامىن اياقتاعانىن قۋاتتايتىن بايانداما شىعاردىم. بايانداما ب ۇ ۇ- نىڭ قاۋىپسىزدىك كەڭەسى مەن ماگاتە باسقارۋ كەڭەسىنىڭ قاراۋىنا ۇسىنىلدى.
ماگاتە باسشىسى اتاپ وتكەندەي، اگەنتتىك ينسپەكتورلارى يران ءىس- قيمىل جوسپارىنا سايكەس بارلىق شارالاردى جۇزەگە اسىرعانىن قۋاتتادى. ول سونداي- اق تەگەران ماگاتە كەپىلدىكتەرى تۋرالى كەلىسىمگە قوسىمشا حاتتامانى قولدانۋدى باستايدى، ال بۇل ءوز كەزەندە يسلام رەسپۋبليكاسىنىڭ باسقا مىندەتتەمەلەرىمەن بىرگە ماگاتە- ءنىڭ يراننىڭ يادرولىق سالاداعى قىزمەتىنە باقىلاۋ مۇمكىندىگىن كۇشەيتە تۇسەتىنىن ايتتى،
«بۇل حالىقارالىق قوعامداستىق ءۇشىن ماڭىزدى كۇن. مەن ونى جۇزەگە اسىرۋعا كومەكتەسكەندەردىڭ بارلىعىن، اسىرەسە «التىلىق» رەتىندە بەلگىلى ەلدەر توبىن، يران مەن ماگاتە باسقارۋ كەڭەسىن قۇتتىقتايمىن»، - دەپ اتاپ ءوتتى امانو.
14 - قاڭتاردۆا يراننىڭ اتوم ەنەرگەتيكاسى ۇيىمىنىڭ وكىلى بەحرۋز كامالۆاندي يران اراكەدەگى رەاكتوردىڭ بەلسەندى ايماعىن الىپ تاستاعانىن مالىمدەدى. سول كۇنى ماگاتە ينسپەكتورلارى تەگەران يادرولىق مامىلە جونىندەگى مىندەتتەمەسىنىڭ ءوز بولىگىن قالاي ساقتاپ وتىرعانىن تەكسەردى، دەپ حابارلادى lenta.ru.
2015 - جىلعى شىلدەنىڭ ورتاسىندا يران جانە حالىقارالىق ارااعايىن «التىلىعى» (ا ق ش، رەسەي، قىتاي، ۇلى بريتانيا، فرانسيا، گەرمانيا) تەگەراننىڭ يادرولىق باعدارلاماسى بويىنشا ۋاعدالاستىققا قول جەتكىزدى.
يسلام رەسپۋبليكاسى فوردوداعى زاۋىتتى تەحنولوگيالىق ورتالىققا اينالدىرۋعا، ال اراكەدەگى رەاكتوردى حالىقارالىق كونسورتسيۋم جوباسىنا سايكەس قايتا قۇرۋعا مىندەتتەندى، وندا پايدالانىلعان وتىن ەل شەگىنەن تىسقارى شىعارىلادى. تەگەران سونداي- اق ۋراندى 3,67 پايىزدان جوعارى بايىتپاۋعا جانە 15 جىل مەرزىمگە ۋران كولەمىن 300 كەلىمەن شەكتەۋگە مىندەتتەندى. يران وسى مىندەتتەمەلەرىن ورىنداعان جاعدايدا ودان سانكسيالار الىنىپ تاستالادى. شەكتەۋ شارالارى ەگەر ەل مىندەتتەمەلەرىن ورىنداماسا قايتالانۋى مۇمكىن.
حالىقارالىق قوعامداستىق يراننىڭ بايىتىلعان ۋراندى سوعىس ماقساتتارىنا پايدالانۋ الەۋەتتى مۇمكىندىگىنە الاڭداعان بولاتىن.