ساپار بارىسىندا اسپان دەنەسىنىڭ گەولوگيالىق قۇرىلىمىنا زەرتتەۋ جۇمىستارى جۇرگىزىلمەك. وسى جوسپاردى جۇزەگە اسىرۋ ءۇشىن قىتاي ەلى ايدى مەڭگەرۋدىڭ جاڭا ساتىسىنا دايىندىقتى رەسمي تۇردە باستاپ كەتتى. بۇل تۋرالى قىتاي حالىق رەسپۋبليكاسىنىڭ قورعانىس عىلىمى، تەحنيكا جانە ءوندىرىس مەملەكەتتىك باسقارماسى مالىمدەپ وتىر.
شينحۋا اقپارات اگەنتتىگىنىڭ حابارلاۋىنشا، 2018 -جىلى ايدىڭ ارعى بەتىنە Chang'e-4 عارىش اپپاراتى قونۋى كەرەك. «ايدىڭ بۇل بەتى گراۆيتاتسيالىق كۇشتىڭ اسەرىنە بايلانىستى جەردەن كورىنبەيدى. سول سەبەپتى دە وسى ۋاقىتقا دەيىن ونى مەڭگەرۋ مۇمكىن بولماعان ەدى. Chang'e-4 جوسپارى وسىنداي مىندەتتى ارقالاعان ادامزات تاريحىنداعى تۇڭعىش ەكپەديتسيا بولىپ تابىلادى» ، - دەپ ءمالىم ەتتى باسقارما جانىنداعى ايدى زەرتتەۋ ورتالىعىنىڭ باسشىسى ليۋ تسزينچجۋن.
ورتالىق باسشىسىنىڭ سوزىنە قاراعاندا، قىتاي وسىنداي جوبالارعا قاجەتتى جوعارى دارەجەلى عىلىمي ءبىلىم مەن تەحنولوگيانى ماقتانىشپەن كورسەتە الادى.
2013 -جىلى جەلتوقسان ايىندا ايدىڭ بەتىنە جەڭىل قونعان 3Chang'e- عارىش كەمەسى قازىرگى ۋاقىتقا دەيىن جەرگە اقپارات تاراتىپ كەلەدى. Chang'e-4 تە وسىعان ۇقساس قۇرىلعى بولعانىمەن، ونىڭ اۋىر جۇكتەمەمەن جۇمىس ىستەۋگە مۇمكىندىگى مول. بۇل عارىش ساپارى بارىسىندا ايدىڭ سىرتقى بەتىنىڭ گەولوگيالىق قۇرىلىمىن زەرتتەۋ جوسپارلانىپ وتىر.
الداعى ۋاقىتتا قىتاي 5Chang'e- - تىڭ كومەگىمەن اي وربيتاسىنا شىعىپ، سول جەرگە قونىپ، مودۋلدى جەرگە قايتارىپ الماق. بۇل اپپاراتتى جاساۋدى قىتاي ماماندارى قازىردىڭ وزىندە باستاپ كەتكەن. Chang'ە سەريالىق قۇرىلعىلارى قىتاي ميفولوگياسىنداعى اي قۇدايدىڭ قۇرمەتىنە وراي اتالعان. 2015 -جىلدىڭ باسىندا قىتاي وزگە دە ەلدەردى وزدەرىنىڭ عارىش جوبالارىنا قاتىسۋى ءۇشىن شاقىرعانىن اتاپ وتكەن ءجون.