قازاق فۋتبول فەدەراتسياسى ۇلتتىق قۇراما باپكەرىن ءوزى تاڭدايدى

استانا. قازاقپارات - قازاقستان فۋتبول فەدەراتسياسى (ق ف ف) ۇلتتىق قۇراما باپكەرىن ءوزى تاڭدايدى، دەپ جازادى الامان پورتالى.

15 -قاڭتار ق ف ف جاريالاعان باپكەر تاڭداۋ ناۋقانىنىڭ ءبىرىنشى كەزەڭى اياقتالدى.

شارت بويىنشا 15 -قاڭتارعا دەيىن حالىق داۋىس بەرۋ ارقىلى «ۇلتتىق قۇرامانى جەرگىلىكتى الدە شەتەلدىك باپكەر جاتتىقتىرۋ كەرەك پە؟» دەگەن ساۋالناماعا ءوز تاڭداۋلارىن جاساۋى ءتيىس ەدى. قورىتىندىسى بويىنشا 15 -قاڭتارعا دەيىن 50 مىڭ جانكۇيەر داۋىس بەرسە ق ف ف فاناتتارعا ناقتى كانديداتتاردىڭ ءتىزىمىن ۇسىنۋعا كەلىسكەن. ءبىراق 15 -قاڭتارعا دەيىن داۋىس بەرۋشىلەردىڭ سانى ءۇش مىڭعا جەتكەن جوق.

ەندى ق ف ف باپكەر تاعايىنداۋدى تولىق وزىنە الىپ، قاڭتاردىڭ سوڭىنا دەيىن ۇلتتىق قۇراما جاتتىقتىرۋشىسىن تاعايىندايدى.