قۇلدارىنىڭ ءبىرى سيىقسىز، تىستەرى شىرىك ءارى اۋزى ساسىق ەكەن، ال ەكىنشسى بولسا كەلبەتتى، مارجانداي تىستەرى بار ءارى اۋزىنان حوش ءيىس شىققان جاعىمدى ادام ەكەن. پاتشا كەلبەتتى قۇلىن سىيعا بولەپ، مونشاعا جىبەرەدى. اۋزى ساسىعان ەكىنشى قۇلدى قاسىنا شاقىرىپ:
- سەنى ۇناتىپ-اق ەدىم، ءبىراق انا مونشاعا كەتكەن دوسىڭ سەن تۋرالى كوپ جامان نارسەلەر ايتتى. سەن دە قالاساڭ ماعان ونىڭ جامان تۇستارىن ايتىپ بەر، - دەيدى.
قۇل بولسا جولداسىنا شاڭ جۋىتپاي، ول تۋرالى ەش جامان ءسوز ايتپادى. پاتشا قالاي تىرىسسا دا ماقتاۋدان باسقا ەشتەڭە ايتتىرا الماپتى.
ەكىنشى قۇلى مونشادان قايتىپ كەلگەندە، پاتشا ونى دا سىناماق بولىپ قاسىنا شاقىرتتى. ءبىراز ماقتاۋ ءسوز ايتقان سوڭ:
- انا دوسىڭ ايتىپ بەرگەن جامان مىنەزدەرىڭ بولماسا جاپ-جاقسى جىگىتسىڭ، - دەپتى.
سويتسە الگى اشۋلانىپ، جولداسى تۋرالى قايداعى جوقتى ايتىپ، جامانداي باستايدى.
پاتشا ءبىراز تىڭداعان سوڭ:
- دوعار ءسوزدى، كىمنىڭ كىم ەكەنىن ەندى ءبىلدىم. سەن جامانداعان جولداسىڭنىڭ اۋزى ساسىسا، سەنىڭ ءىشىڭ ساسىعان، شىرىك ەكەنسىڭ. بار، سول جامانداعان دوسىڭنىڭ قول استىندا جۇمىس ىستەيتىن بولاسىڭ، - دەپتى.
رامازان اشربەكتىڭ VK جازباسىنان