قازاق راديوسىنىڭ ەفيرىندە - باۋىرجان مومىش ۇلىنىڭ شىعارمالارى
وتباسى قۇندىلىقتارىن ناسيحاتتايتىن اتالعان شىعارما قازاق راديوسىنىڭ اۋەتولقىنىنان بەرىلۋدە.
باۋىرجان مومىش ۇلى باسىنان وتكەرگەندەرى مەن پايىم-تۇسىنىكتەرىن كۇندەلىككە جازىپ وتىرعانى بارىمىزگە بەلگىلى. باتىر كورگەن-بىلگەنى مەن ويلارىن جازۋ ارقىلى ادامداردىڭ ارى مەن نامىسىن، ساناسى مەن ەركىندىگىن وياتا وتىرىپ، جاقسىلىق جاساۋدى ادام بويىنا ەڭ باستى قاسيەت ەتىپ ءسىڭىرۋ كەرەك دەپ ساناعان. ونىڭ قولىنان بۇل مىندەتتى ورىنداۋ كەلدى.
قازاق راديوسىنىڭ ەفيرىنەن «ۇشقان ۇيا» كىتابىنىڭ اۋديونۇسقاسىن تىڭداۋ ارقىلى ءاربىر تىڭدارمان ءبىر وتباسى نەگىزىندە باتىردىڭ تۋعان جەرىندە سول جىلدارى بولعان وقيعالارمەن، كوشپەندىلەر زامانىنداعى قازاق ەتنوگرافياسىنىڭ ەلەمەنتتەرىمەن تانىسا الادى. ءبىر قىزىعى، كىتاپتى جازۋعا باۋىرجان مومىش ۇلىنىڭ 1955 -جىلدىڭ ناۋرىزىندا كورگەن ءتۇسى تۇرتكى بولعان.
«ۇشقان ۇيا» شىعارماسىندا باۋىرجان مومىش ۇلى اكەسى مەن اجەسىنىڭ ايتقان اقىلى مەن وسيەتتەرى ارقىلى وتباسى تاربيەسىنىڭ ماڭىزدىلىعىن قوزعايدى. اۆتور، سالت-داستۇرلەردى وتباسى مۇشەلەرىنىڭ بەينەسى ارقىلى قىزىقتى ەتىپ باياندايدى.
اسكەري شىعارمالار مەن مەمۋارلار جانرىنا جاتاتىن «ۇشقان ۇيا» پوۆەستەر مەن اڭگىمەلەر جيناعى 1976 -جىلى قازاق سوتسياليستىك كەڭەس ۇكىمەتىنىڭ مەملەكەتتىك جۇلدەسىن يەلەندى. كىتاپ - حالىقتى مىندەت، ۇلكەنگە قۇرمەت، وتانىنا دەگەن ماحاببات سياقتى قاسيەتتەرگە تاربيەلەيتىن، ۇلتتىق داستۇرلەرىن ۇستانۋعا باۋليتىن شىعارما.
ءبىز بۇل جوبانىڭ بەرىك وتباسى قارىم- قاتىناسىن جوعارى قوياتىن تىڭدارماندار اراسىندا باعالاناتىنىنا سەنىمدىمىز.
قۇرمەتتى تىڭدارمان، قازاق راديوسىنىڭ اۋە تولقىنىنان 12 -قاڭتاردان باستاپ جۇمىس كۇندەرى تاڭەرتەڭگى ساعات 9:35 تە، قايتالاۋى كەشكى 18:35 تە بەرىلىپ كەلە جاتقان باۋىرجان مومىش ۇلىنىڭ تانىمال كىتابى «ۇشقان ۇيانىڭ» اۋديونۇسقاسىن تىڭداڭىزدار.