اسەت يسەكەشەۆ استاناداعى ينۆەستورلارعا قىزمەت كورسەتۋ سەكتورىنىڭ جۇمىسىمەن تانىستى - فوتو

استانا. قازاقپارات - ەندى ح ق ك و جانىنداعى ينۆەستورلارعا قىزمەت كورسەتۋ بولىمدەرىندە ينۆەستيتسيالىق جوبانى جۇزەگە اسىرۋعا بارلىق قاجەتتى مەملەكەتتىك قىزمەتتى «ءبىر تەرەزە» قاعيداتى ارقىلى الۋعا بولادى.

بۇگىن استاناداعى وسىنداي قىزمەت كورسەتۋ ءبولىمىنىڭ جۇمىسىمەن ق ر ينۆەستيتسيالار جانە دامۋ ءمينيسترى اسەت يسەكەشەۆ تانىستى.

ق ر ي د م مالىمەتىنە قاراعاندا، قازاقستاندا ينۆەستورلارعا قىزمەت كورسەتەتىن 19 ءبولىم جۇمىس ىستەيدى، ياعني استانادا - 2، الماتىدا - 3، ال ءار وبلىس ورتالىعىندا ءبىر قىزمەت كورسەتۋ سەكتورى بولادى. بۇل بولىمشەلەر ينۆەستورلارعا بيۋروكراتيالىق جانە اكىمشىلىك سالماقتى ايتارلىقتاي تومەندەتەدى دەپ كۇتىلۋدە.

«تەز وزگەرىسكە ۇشىراپ وتىرعان سىرتقى جاعدايلاردا ينۆەستورلار مەن شاعىن بيزنەس ءۇشىن بيۋروكراتيالىق كەدەرگىلەردى جويۋعا قاتىستى رەفورمالاردى جىلدام جاساۋ كەرەك. مەملەكەت باسشىسىنىڭ تاپسىرماسى بويىنشا وتكەن جىلى مينيسترلىكتە باسىمدىقتى جوبالار ءۇشىن «ءبىر تەرەزە» قاعيداتى بويىنشا قىزمەتتى جۇزەگە اسىردىق.

ءبىز بارلىق مەمورگاندارمەن نورماتيۆتىك-زاڭنامالىق بازانى قاراستىردىق. ەندى بيىلدان باستاپ كەز كەلگەن ينۆەستورلار ءۇشىن كەڭەس بەرۋ مەن بارلىق رۇقساتنامالىق قۇجاتتاردى ۇسىنۋ قامتىلىپ وتىر. ياعني، ءاربىر ينۆەستور مەمورگاندارعا جۇگىنبەستەن، ح ق ك و- عا كەلىپ، ءبىر جەردەن 350 مەملەكەتتىك قىزمەتتى الۋعا مۇمكىندىك جاسالىپ وتىر»، - دەدى ءا. يسەكەشەۆ.

بۇل تۇرعىدا جەردى پايدالانۋ، قۇرىلىس جۇمىستارىنا قاجەتتى قۇجاتتار، ساۋلەتتىك-جوبالاۋ عيماراتتارى، ينۆەستيتسيالىق شارتتى بەكىتۋ جانە باسقا دا قىزمەتتەر قامتىلىپ وتىر.

اتاپ ايتقاندا، وسى ينۆەستورلارعا قىزمەت كورسەتۋ سەكتورلارىندا ءتيىستى قۇجاتتاردى بەرۋ بارىنشا قىسقا مەرزىمدە اتقارىلماق.