ءمولدىر اۋەلبەكوۆا جۇبايلىق ءومىردىڭ سىرىمەن ءبولىستى
ءمولدىر جان جارى ارىستاننىڭ شاڭىراقتا جالعىز تۇياق ەكەنىن ايتا كەلە، مارقۇم قايىن اتاسىنىڭ ارۋاعى ريزا بولعان شىعار دەپ ءسوزىن باستادى. سالەم بەرىپ، كەلىندىك مىندەتىن ويداعىداي اتقارىپ جۇرگەن ءانشى جىلقىبايەۆتار اۋلەتىنە ءسىڭىسىپ كەتۋىنە ەنەسىنىڭ قول ۇشىن بەرىپ، ەركەلەتىپ جۇرگەنىن ايتتى.
اۋەلبەكوۆا تارازدا وتكەن ۇيلەنۋ تويى جايلى دا بىرەر ءسوز قوزعادى.
«توي كويلەگى دە مەنىڭ ويىمنان شىقتى. كويلەكتى استانا قالاسىنداعى «AssylBridal» برەندىنىڭ يەسى مادينا كوبەكوۆا ەسىمدى جاس ديزاينەر تىككەن. وتاندىق ءونىمنىڭ وتە ادەمى، ءساتتى شىققانىنا وتە قۋاندىم. جولداسىم باستاپقىدا-اق: «قاي كويلەكتى كيەمىن دەپ شەشەسىڭ، سول كويلەكتى الامىز. ويتكەنى ومىرىڭدە ءبىر رەت قانا كيەسىڭ»، - دەپ ماعان بار جاعدايدى جاسادى. راسىندا دا وتە ادەمى، نازىك كويلەك. ەڭ ادەمى قالىڭدىق بولۋىما سەبەپكەر بولعان جولداسىم ارىستانعا جانە مادينا كوبەكوۆاعا راحمەتىمدى ايتامىن»، - دەدى ءانشى.
سونداي-اق، اۋەلبەكوۆا ءوز تويىنا «بىرگە جانىمىز» دەگەن ءاندى ارنايى تاپسىرىسپەن جازدىرتقان. ءسوزى - اقىن قۇرمانايدىكى. ال ءانىن جازعان - شوقان ءۋاليحان. ءاننىڭ ءبىرىنشى شۋماعى جارى ارىستانعا، ەكىنشى شۋماعى اتا-اناسىنا، ال ءۇشىنشى شۋماعى حالىققا ارنالعان.