باتىس قازاقستاندىق بالۋان بۇكىل رەسەيلىك تۋرنيردە جەڭىمپاز اتاندى
20:08, 13 - قاڭتار 2016
ورال. قازاقپارات - ساراتوۆ وبلىسى ەنگەلس قالاسىندا ەكى مارتە وليمپيادا چەمپيونى يۆان يارىگيندى ەسكە الۋعا ارنالعان جاستار اراسىندا گرەك-ريم كۇرەسىنەن وتكەن ءداستۇرلى بۇكىل رەسەيلىك تۋرنيردەن باتىس قازاقستاندىقتار جۇلدەمەن ورالدى.
ب ق و دەنە شىنىقتىرۋ جانە سپورت باسقارماسىنان تۇسكەن مالىمەتكە قاراعاندا، اتالمىش جارىسقا ب ق و- دان سەگىز بالۋان بارىپ، سونىڭ ەكەۋى جۇلدەگە ىلىكتى. اتاپ ايتقاندا، داۋلەت لاريونوۆ 63 كەلى سالماقتا جەڭىمپاز اتانسا، ءادىلحان اقكۇنوۆ 76 كەلىدە ءۇشىنشى ورىندى يەلەندى. ولاردى ب ق و جاستار قۇراماسىنىڭ اعا باپكەرى ماقسوت تولەگەنوۆ باستاعان ماماندار جاتتىقتىرادى. جەڭىمپاز- جۇلدەگەرلەر باعالى سىيلىقتارمەن، مەدالدارمەن ماراپاتتالدى.
ايتا كەتەيىك، داۋلەت - ايەلدەر كۇرەسىنەن الەم چەمپيوناتىنىڭ قولا جۇلدەگەرى، تالاي جارىستا جۇلدە الىپ جۇرگەن ەكاتەرينا لاريونوۆانىڭ تۋعان ءىنىسى.
اۆتور: ەلجان ەرالى