ءماجىلىس پارلامەنتكە جاڭا سايلاۋ تاعايىنداۋ تۋرالى باستاما كوتەردى
ق ر پارلامەنتى ءماجىلىسىنىڭ دەپۋتاتتارىنىڭ پارلامەنت ءماجىلىسى مەن بارلىق دەڭگەيدەگى ءماسليحات دەپتۋاتتارىنىڭ كەزەكتەن تىس سايلاۋىن وتكىزۋ تۋرالى ۇندەۋى ءماتىنىن جاريا ەتكەن دەپۋتات نۇرلان ءابدىروۆ وسىلاي دەدى.
«بۇگىندە جاھاندىق جۇيەلى داعدارىس الەمنىڭ بارلىق ەلدەرىن، ءتىپتى دامىعان جەتەكشى مەملەكەتتەردى دە قامتۋدا. الەمدەگى كۇردەلى گەوەكونوميكالىق جانە گەوساياسي احۋال حالىقارالىق شيەلەنىستىڭ ارتۋىمەن، جاڭا قاقتىعىس وشاقتارىنىڭ پايدا بولۋىمەن، لاڭكەستىك قاۋىپ-قاتەردىڭ كۇشەيۋىمەن قاتار وربۋدە. قازاقستان ەگەمەن ەل رەتىندە دامىپ كەلە جاتقان 25 جىلدىڭ ىشىندە الەمدىك داعدارىستاردىڭ سىن-قاتەرلەرىمەن سان مارتە بەتپە-بەت كەلدى جانە ءبىز ولاردىڭ بارلىعىنا لايىقتى تويتارىس بەرە بىلدىك. ءتىپتى، ءبىز ونداي كەزەڭدەردى ءاردايىم دامۋدىڭ جاڭا ساپالىق دەڭگەيىنە شىعۋدىڭ مۇمكىندىگى رەتىندە پايدالانا بىلدىك. سول سەبەپتى ءبىزدىڭ ەلىمىز ءارقاشان، ءاربىر داعدارىستان جاڭعىرعان، قۋاتتى ەل بولىپ شىعىپ كەلەدى»، - دەدى ول.
دەپۋتات جاريا ەتكەن ۇندەۋدە قازىر دە قازاقستاننىڭ جاڭا جاھاندىق سىن-قاتەرلەردى ەڭسەرەتىن ناقتى جوسپارلارى بار ەكەندىگى ايتىلعان.
«ەلباسى، مەملەكەت باسشىسى نۇرسۇلتان ءابىش ۇلى نازاربايەۆتىڭ ساياساتىنىڭ ارقاسىندا ەلىمىزدىڭ تەك الەمدىك داعدارىسقا قارسى تۇرۋى جونىندە عانا ەمەس، جاڭا جاھاندىق ناقتى احۋال جاعدايىندا دامۋى تۋرالى ستراتەگياسى مەن ناقتى ۇلت جوسپارى بار. بۇگىن كەيىنگە قالدىرمايتىن جەدەل شارالار ۋاقىتى. وسىعان بايلانىستى قازىردەن باستاپ جاڭا رەفورمالاردى جۇزەگە اسىرۋعا جەدەل كىرىسۋ ءۇشىن، سونىمەن بىرگە داعدارىسقا قارسى شارالاردى ءتيىمدى جۇزەگە اسىرۋ ءۇشىن ءبىز، 5- شاقىرىلىمداعى ءماجىلىستىڭ وكىلەتتىگىن مەرزىمىنەن بۇرىن توقتاتۋ جانە پارلامەنتكە جاڭا تاعايىنداۋ سايلاۋ تۋرالى باستاما كوتەرەمىز»، - دەدى ۇندەۋدى جاريالاعان ن. ءابدىروۆ.
اۆتور: مارلان جيەمباي