بەيبىت شۇمەنوۆ ساۋىردە سايىسقا تۇسەدى
08:57, 13 - قاڭتار 2016
استانا. قازاقپارات - WBA نۇسقاسى بويىنشا اۋىر سالماقتاعى قازاقستاندىق بەيبىت شۇمەنوۆ وسى جىلعى ءساۋىر ايىندا پولياك كشيشتوف ۆلودارچيككە قارسى ءوزىنىڭ چەمپيوندىعىن قورعاپ قالۋ ءۇشىن سايىسقا تۇسەدى.
بۇل تۋرالى پولياك ۇمىتكەرىنىڭ جاتتىقتىرۋشىسى فەدور لاپين حابارلادى، دەپ جازادى ر- سپورت.
شۇمەنوۆ پەن ۆلودارچيك 18- جەلتوقساندا لاس-ۆەگاستا قولعاپ ءتۇيىستىرۋى ءتيىس ەدى، الايدا بەيبىت جاتتىعۋ كەزىندە جارالانىپ قالىپ، سايىس وتپەي قالدى. ەندى ساۋىقتىرۋ ۇدەرىسى اياقتالىپ كەلەدى جانە قازاقستان وكىلى تولىققاندى جاتتىعۋلارعا كىرىسۋگە ءازىر.
كشيشتوفقا قاتىستى ايتار بولساق، ول تاباندى جاتتىعۋلاردى جالعاعاستىرۋدا جانە رينگكە ءبىر ايدا شىعادى، دەپ حابارلادى لاپين.
«اۋەلدە جەكپە-جەك قاڭتاردىڭ سوڭىنا اۋىستىرىلعان بولاتىن. مەنىڭ اقپاراتىم بويىنشا شۇمەنوۆپەن سايىس ساۋىرگە ىسىرىلدى. ءبىز ارالىق ۇرىستى ءبىر اي-ايجارىمنىڭ ىشىندە وتكىزەمىز دەپ ويلايمىن. ۇرىستى وتكىزۋ قاجەت، ايتپەسە كشيشتوف ءبىراز ۋاقىتتان بەرى رينگكە شىققان جوق»، - دەدى لاپين.