دەپ حابارلايدى «قازاقستان» ر ت ر ك» ا ق باسپا ءسوز قىزمەتى.
«تابىس سىرى» باعدارلاماسىندا ەڭبەكسۇيگىشتىكتىڭ ارقاسىندا ءوز ىسىندە بەلگىلى ءبىر جەتىستىكتەرگە قول جەتكىزگەن ادامدار تۋرالى باياندالاتىن بولادى. كورەرمەندەرىمىز باعدارلامانىڭ باس كەيىپكەرى ارقىلى تابىستى ادامنىڭ جەكە ءىسىن قالاي باستاعانى جانە كاسىپكەرلىك جولىندا قانداي توسقاۋىلداردان وتەتىنى تۋرالى مالىمەت الادى. ياعني بۇل باعدارلاما الدىنعى قاتارلى قازاقستاندىق كاسىپكەرلەردىڭ وڭ تاجىريبەسىمەن تانىستىرۋدى ماقسات تۇتادى.
باعدارلامانىڭ كەيىپكەرلەرى ءوز ىستەرىندە بيىك بەلەستەرگە قول جەتكىزگەن ءارتۇرلى كاسىپورىندار مەن ۇيىمداردىڭ يەلەرى. ولار تابىسقا قول جەتكىزۋ سىرلارىمەن ءبولىسىپ، ويلارىمەن ورتاقتاسىپ، بيزنەستەرىن قالاي باستاعىنى تۋرالى ايتاتىن بولادى.
بۇل باعدارلاما ىستەرىن جاڭادان باستاپ كەلە جاتقان كاسىپكەرلەرمەن قاتار، قالىپتاسقان كاسىپكەرلەر ءۇشىن دە قىزىقتى، ءارى تانىمدى بولماق. حابار كەيىپكەرلەرىنىڭ جەتكەن جەتىستىكتەرىن مىسالعا قويىپ، قازىرگى كەزدە ەڭبەك پەن جىگەرلىلىك تانىتۋدىڭ ارقاسىندا وسىنداي تابىستارعا قول جەتكىزۋگە بولاتىنىنا كوز جەتكىزەدى.
باعدارلاما اياسىندا بيلىك پەن وتاندىق بيزنەستىڭ قارىم- قاتىناسىنىڭ بارلىق قىرلارى مەن كاسىپكەرلىكتى دامىتۋداعى مۇمكىندىكتەر قاراستىرىلادى. ءاربىر كورەرمەن ءوزىن قىزىقتىراتىن سۇراقتارعا جاۋاپ الا الادى.
«تابىس سىرى» باعدارلاماسىنىڭ پرەمەراسى 13 - قاڭتاردا «قازاقستان» ارناسىندا وتەدى جانە ەفيرگە اپتانىڭ ءار سارسەنبىسىندە ساعات 17:55 تۇراقتى شىعىپ تۇراتىن بولادى.
ءوز كەزەگىندە «قازاقستان» تەلەارناسى ءارتۇرلى پايدالى باعدارلامالار، توك- شوۋ، سەريالدار جانە فيلمدەرمەن كورەرمەندەردى ارى قاراي تاڭقالدىرا بەرمەك.