قانات يسلام - WBA FedeCaribe تۇجىرىمىنىڭ چەمپيونى، ورتاشا جەڭىل سالماق بويىنشا كاريب ايماعىنىڭ ۇزدىگى، اۋەسقوي بوكسشى رەتىندە قىتاي حالىق رەسپۋبليكاسى ۇلتتىق قۇراما كومانداسىنىڭ قۇرامىندا پەكين وليمپياداسىنىڭ قولا جۇلدەگەرى، چيكاگودا وتكەن الەم چەمپيوناتىنىڭ (2007) جانە ازيا ويىندارىنىڭ (2006) قولا جۇلدەگەرى، قىتايدىڭ 10 دۇركىن چەمپيونى.
كەزدەسۋ بارىسىندا كاسىپقوي بوكسشى قانات يسلام ءجۇرىپ وتكەن ءومىر جولدارى مەن سپورت الەمىنىڭ ايشىقتارىمەن ءبولىستى. وبلىس جاستارى سپورتشىمەن ويلارىندا جۇرگەن كوكەيتەستى سۇراقتارىمەن الماسىپ، بىلعارى قولعاپ شەبەرلەرىنىڭ سپورت سالاسىنداعى ەڭبەكتەرى جونىندە وي ءتۇيىپ تارقاستى. كەزدەسۋ سوڭىندا سىر جاستارى قاناتقا ەستەلىك سىيلىق تابىس ەتىپ، العىسىن ءبىلدىردى.
Baq.kz