الايدا جەرگىلىكتى الەۋمەتتىك جەلىلەردە كومپانيا ناسىلشىلدىك تۇرعىسىندا ايىپتالىپ، قاتال سىنعا الىندى. كومپانيا باسشىلىعى ءوز جارناماسىندا ەلدە قالىپتاسقان پىكىردى قولدانعانىن ايتىپ اقتالىپ الەك.
جالپى تايلاندتا ءتۇر- كەلبەتتىڭ اقشىل بولۋى داۋلەتتى اقسۇيەك قاۋىمنىڭ بەلگىسى سانالادى. ال كوشەدە نەمەسە ەگىستە جۇمىس ىستەيتىن ادامدار كۇنگە كۇيىپ، قاراتورى بولادى دەگەن تۇسىنىك بار. سول سەبەپتەن، تايلاندىقتاردىڭ كوبىسى، اسىرەسە ايەلدەر تەرىسىن اعارتۋعا كوپ كوڭىل بولەدى. دەگەنمەن كوسمەتيكالىق كومپانيا وسى جارناماسىن كورسەتۋىن دوعارىپ، حالىقتان كەشىرىم سۇرادى.
ۆاتتاناپاك جينسيريۆانيح، كومپانيانىڭ باسقارۋشى ديرەكتورى:
- بۇل ءبىزدىڭ قاتەمىز بولعانىن تولىق مويىندايمىز. ەشكىمدى كەمسىتكىمىز كەلگەن جوق، حالىقتىڭ بەلگىلى ءبىر توبىنا باعىتتادىق. باتىس ەلدەرىنىڭ تۇرعىندارى كۇنگە قارايىپ، وزگەلەردەن ەرەكشەلەنىپ، كوزگە تۇسكىسى كەلەتىنىن بىلەسىزدەر. ازيا حالىقتارىندا دا وسىنداي سەبەپپەن تەرىسىن اعارتقىسى كەلەتىن ادامدار بار.
www.24.kz