باتىس قازاقستان وبىلىسى توتەنشە جاعدايلار دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، سول كۇنى اۋا رايى بۇزىلىپ، بوران سوققاندىقتان ءارى جانار- جاعار مايلارى تاۋسىلعاندىقتان، ادامدار جولدا قالادى.
ابىروي بولعاندا، زارداپ شەگۋشىلەردىڭ ءبىرى ەلدى مەكەنگە جەتىپ، جولداستارىنىڭ قيىن جاعدايدا قالعاندىعىن حابارلايدى.
ب ق و ت ج دەپارتامەنتى جەدەل قۇتقارۋ جاساعىنان ون ادام، ەكى تەحنيكا، ءىزشىل يتىمەن جەتىپ، ىزدەستىرۋ جۇمىستارىن جۇرگىزۋ ناتيجەسىندە جوعالعان التى تۇرعىن 9- قاڭتار كۇنى تولەن اۋىلىنان جەتى شاقىرىم جەردەن تابىلدى. ولاردىڭ جاعدايى جامان ەمەس، قۇتقارۋشىلارعا العىسىن ءبىلدىردى.
ىزدەستىرۋ جۇمىستارىنا سونداي- اق اۋداندىق توتەنشە جاعدايلار ءبولىمى (2 ادام، 1 تەحنيكا)، اۋداندىق ىشكى ىستەر ءبولىمى (4 ادام، 1 تەحنيكا)، جەرگىلىكتى اتقارۋشى ورگاندار (2 ادام، 1 تەحنيكا)، اۋىل تۇرعىندارى (4 ادام، 2 تەحنيكا) جۇمىلدىرىلدى.
اۆتور: ەلجان ەرالى