«ماقالادا مەملەكەتتىك قىزمەت تۋرالى قامتىلعان ماسەلەلەر ماعان وتە ۇنادى. ياعني، كەز كەلگەن شەنەۋنىك جۇمىستى تەك تومەنگى لاۋازىمداردان باستايتىندىعىنا ەكپىن قويىلىپ وتىر. مەملەكەتتىك قىزمەتكەر اۋىل، ستانسا، اۋدان، وبلىس ءومىرىن جاقسى ءبىلۋى كەرەك. ادامدار باسشىلىق لاۋازىمدارعا كەزدەيسوق كەلمەۋى ءتيىس. اتاپ ايتقاندا، شەنەۋنىك مانساپتىق ىلگەرىلەۋدىڭ بارلىق جولىنان ءوتۋى قاجەت»، - دەدى قوعام قايراتكەرى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
سونىمەن قاتار، ول مەملەكەتتىك قىزمەتكەردىڭ ەتيكا ەرەجەلەرىن قاتاڭ ساقتاۋعا مىندەتتەيتىن قادامداردىڭ دۇرىستىعىن اتاپ ءوتتى.
وسى ورايدا، ن. ەرىمبەتوۆ قازاقستاندىقتارعا رەفورمالار كەزەڭىندە قۇر قول قۋسىرىپ وتىرماي، ادامدار ءاردايىم ءوزىن جەتىلدىرۋى كەرەك دەگەن كەڭەس ايتتى.
«بۇگىندە وسى تۇرعىدا ءاربىر ادام ءوزىنىڭ تاعدىرىنا جاۋاپكەرشىلىكپەن قاراۋى كەرەكتىگىنە ەكپىن قويىلۋدا. بارلىعىن بيلىككە جۇكتەپ قويۋعا بولمايدى. ەلدىڭ ءار ازاماتى ءوزىن دامىتىپ، باسەكەگە قابىلەتتى بولۋى ءتيىس»، - دەدى ول.
اۆتور: رۋسلان عابباسوۆ