قازاقستاندىقتاردىڭ قانداي پاتەردى ءجيى ىزدەيتىنى انىقتالدى

باسىلىمنىڭ مالىمەتىنشە، ينتەرنەتتە ايىنا ءبىر بولمەلى پاتەر تۋرالى سۇرانىس ەكى ميلليوننان اسقان.

ولاردان كەيىن ەكى بولمەلى پاتەرلەرگە دەگەن سۇرانىس كوپ - مۇنداي سۇرانىستاردىڭ ۇلەسى 15 پايىزعا كەم. ال ءۇش بولمەلى باسپاناعا دەگەن سۇرانىس ءبىر بولمەلىسىنە قاراعاندا ەكى ەسە از ەكەن - ءبىر ميلليوننان استام. ءوز كەزەگىندە 4 نەمەسە 5 بولمەلى باسپانانىڭ ۇلەسى 10-15 ەسەگە دەيىن ازايعان. «بەس بولمەلى پاتەرلەردى ساتۋ بويىنشا حابارلامالار از كەزدەسەدى. باسپانا قانشالىقتى ۇلكەن بولسا، ونى ساتۋ سونشالىقتى قيىنعا سوعادى»، - دەيدى ساراپشىلار.

سونىمەن قاتار، "كرىشا" سايتىندا 70 مىڭ حابارلاندىرۋ بار، ولاردىڭ شامامەن 43 مىڭى نەمەسە 61 پايىزى ءبىر نەمەسە ەكى بولمەلى پاتەرلەر، 29 پايىزى - ءۇش بولمەلىلەرى.

ەسكە سالايىق، الماتىدا دوللار شارىقتاعاننان كەيىن ستۋديا- پاتەرلەرگە دەگەن سۇرانىستىڭ ارتقانى حابارلانعان بولاتىن.